Luke 6:20-23
Ta̤sò̌le̤sò̌lò̤ ta ta̤sǎpla̤sǎyṳ
(Matěo 5:1-12)
20Ye̤shǔ kè̌wǒkè̌bǎ꤮ akhophijaû̌ toǒ dě a hî̌ asî, “Sî htě a shuphǔshèwè htǒotoǒnu, Cǒmara howi̤ mè̤mè̤̌ sî hǒ, ma̤tè̤hî̌dě Cǒmara shila̤gakû numî̌ kòyò hǐnu toǒ ata hǒ. 21Sî htě a sǎǎsò̌o khònò̤ htǒotoǒnu, Cǒmara glè howi̤ mè̤mè̤̌ sî hǒ, ma̤tè̤hî̌dě Cǒmara ǐǎkǒobe sî pě! Sî htě a hǎwo khònò̤ htǒotoǒnu, Cǒmara glè howi̤ mè̤mè̤̌ sî hǒ, ma̤tè̤hî̌dě sî sǎya̤bǎ pě! 22Sî yṳǎ kòyòphû̌khû mî̌ hehtǒo akhû̌akhî, kò sò̌khě sî, kò kaǎshǔ sî tò̤, kò pi̤jishǐcǒ sî dě kò hî̌ phû̌mò̤shî̌hto sî akhû̌akhî, sî glè nî̤bǎ mè̤mè̤̌ ta̤howi̤ hǒ. a 23“Ma̤tè̤hî̌dě asî phiphu dě꤮ awǐ toǒnu, a ma̤jîma̤jûhtobò pwa̤po̤ toǒ hǐnu hǒ. Bǎ sî kè̌shǐ bǎ hǐnu pě akhanu, sò̌le̤sò̌lò̤ lǒkho nî̌꤮. Sò̌le̤sò̌lò̤ dě pe̤kalî̌ lǒkho nî̌꤮, ma̤tè̤hî̌dě sîyanu, Cǒmara bè̌nǎ bǎ sî ta̤ma̤khû̌kǎ dě mǒkhû̌nu adû̌ na̤cè̌ hǒ. b
Copyright information for
KxfSCKRC