Mar 1:16-20 | KxfSCKRC | STEP | Htodě Ye̤shǔ cû̌ Galilî̌a shikoǒhtu dě a cû̌kè̌shǐ Shîmǒ̤nè̤ ta apṳ Adrěa. Dě bǎnuakha, asî shî̌ǎtò̤phû̌ ta ji bǎ shikoǒdû̌kû, ma̤tè̤hî̌dě a pṳ̂ǎ lǒkho pwǎ phushǎpwe̤shǎ ta tò̤phû̌ pwǎ.

‏ Mark 1:16-20

(Matěo 4:18-22; Lǔka 5:1-11)

16 Htodě Ye̤shǔ cû̌ Galilî̌a shikoǒhtu dě a cû̌kè̌shǐ Shîmǒ̤nè̤ ta apṳ Adrěa. Dě bǎnuakha, asî shî̌ǎtò̤phû̌ ta ji bǎ shikoǒdû̌kû, ma̤tè̤hî̌dě a pṳ̂ǎ lǒkho pwǎ phushǎpwe̤shǎ ta tò̤phû̌ pwǎ. 17 Ye̤shǔ hî̌ asî, “Cû̌꤮ gûkû̌ hekò. He sû̌ǐtòwòǐ sî ma̤pûhǐ sî kaǎnṳ kòyò pwǐ sî pṳ̂ǎnṳ tò̤phû̌ htǒonu.” 18 Taplǎpa asî bè̌kè a ji ^{▼▼Gatò̤lò̤ kaǎ nû̌ûta tǐ̤} dě a gûcû̌kû̌ Ye̤shǔ akò.

19 Ye̤shǔ cû̌ hèpo̤ alo̤mo̤ tîkî̌phû̌ dě a kè̌shǐ Sebedè̌o aphû̌ Jǎgomo̤ ta apṳ Jowǎ̤ni̤ shò̌bǐ lǒkho a ji bǎ sǒkhlikû. 20 Ye̤shǔ kè̌shǐshǐta a kaǎ asî dě asî hǎhtò̌cû̌ gûcû̌kû̌ nû̌ûkò. Dě apha Sebedè̌ ta pwa̤dòkǎǎ toǒ ǒkè tû̌ lǒkho bǎ a sǒkhlikûnu.