Mar 12:13-17 | KxfSCKRC | STEP | Kò nohè Pharisè̌phû̌ toǒ ta Khwǐherǒ akòyò toǒ Ye̤shǔ a ǒ dě a glè hè kè̌lǎ pṳ̂ lǒkho Ye̤shǔ ata̤hî̌bǎsǔ toǒ.

‏ Mark 12:13-17

Kò gwè Ye̤shǔ ta tobǎ ǐ ta̤kûta̤cî̌ ya, mî̌ tobǎ ǐ tò̤ ya awi̤akè̌

(Matěo 22:15-22; Lǔka 20:20-26)

13 Kò nohè Pharisè̌phû̌ toǒ ta Khwǐherǒ akòyò toǒ Ye̤shǔ a ǒ dě a glè hè kè̌lǎ pṳ̂ lǒkho Ye̤shǔ ata̤hî̌bǎsǔ toǒ. 14 Asî hè Ye̤shǔ a ǒ dě a hî̌ lǒkho nû̌û, “Saradû̌꤮ pa sî̌ya ta na mî̌ kòyòcǒkòyòtè̤ htě a hî̌bǎcǒtè̤pwǎ ta̤hî̌bǎ tapwa̤. Na ǐsha kû̌kòla̤ dǐpwǎ̤꤮ tò̤, na kè̌dû̌kè̌pî̌tî̌ kû̌kò dǐpwǎ̤꤮ tò̤. Na sû̌ǐtòwòǐ kò ta̤te̤ta̤mǎ hî̌numî̌, na sû̌ǐbǎ kò pwǐ Cǒmara sò̌yṳ nosû̌ǐ nanu hǒ. Hǐnudě paǐ ta̤kûta̤cî̌ dě Khwǐkèsa a ǒ numî̌ ato ya? Mî̌ ato tò̤ ya? 15 Pa toǐ a ya? Mî̌ pa toǐ tò̤ ya? Pwe̤ǐ bǎkè̌ pa.”

Pwǎ̤tadě asî hè hî̌bǎ khǒ pwǎnu Ye̤shǔ sî̌ya dě a hî̌shǔ asî, “Ma̤pûhǐ sî kè̌lǎpṳ̂ he ta̤hî̌bǎsǔ toǒ dě sî hè gwèkhǒgwèwa̤cǎ he ma̤tè ya? Hèǐ bǎkè̌ he wûyî̌ Dina̤rinu tabǎ,” a hî̌ asî hǐnu. 16 Dě asî hèǐ nû̌û wûyî̌ Dina̤rinu tabǎ dě a gwè asî, “Htǒomî̌ ûpè hǐkǒ yo̤ pè? A khwè̌ nû̌ûta ûpè ami̤pè?”

Dě asî hî̌shǔ nû̌û, “Rò̌mǎkhwǐdû̌ a hǐkǒyo̤ ta Khwǐ ami̤.”

17 Htodě Ye̤shǔ hî̌ asî, “Khwǐdû̌kèsa ata dèhî̌dě ǐyǎ ta Khwǐdû̌nu, Cǒmara ata dèhî̌dě ǐyǎ ta Cǒmaranu.” Ye̤shǔ hî̌ asî hǐnu dě asî sû̌pi̤sò̌pi̤bòkè Ye̤shǔ ala̤.