Mar 13:32-37 | KxfSCKRC | STEP | “Pwǎ̤ta ta̤htǒotoǒ htûhtò̌ mṳni̤mṳsa, mè̤tò̤mî̌ akhîakha bò̌khòtè pěnu kò sî̌ya dǐpwǎ̤꤮ tò̤. Tanaphû̌ ǒ dě꤮ mǒkhû̌nu toǒ bǎbǎ, a sî̌ya tò̤. Aphû̌khû ta ana̤ htǒotapwa̤ bǎbǎ, a sî̌ya tò̤tò̤. A sî̌ya pwǎpǒ̤ hepha tapwǎ̤꤮ pa.

‏ Mark 13:32-37

(Matěo 24:36-44)

32 “Pwǎ̤ta ta̤htǒotoǒ htûhtò̌ mṳni̤mṳsa, mè̤tò̤mî̌ akhîakha bò̌khòtè pěnu kò sî̌ya dǐpwǎ̤꤮ tò̤. Tanaphû̌ ǒ dě꤮ mǒkhû̌nu toǒ bǎbǎ, a sî̌ya tò̤. Aphû̌khû ta ana̤ htǒotapwa̤ bǎbǎ, a sî̌ya tò̤tò̤. A sî̌ya pwǎpǒ̤ hepha tapwǎ̤꤮ pa. ^a 33 Ǒsè̌rè̌ lǒkho sîna̤, sòklò saba ǒpo̤ lǒkho sîna̤ nî̌꤮, ma̤tè̤hî̌dě a htûhtò̌ pě bò̌khòtènu sî sî̌ya tò̤. 34 Htǒomî̌ asǒsǒta kòyò tapwa̤ htě a glè̌ hǎhtò̌cû̌ klè̌ shiga ahǔwa̤ taga dě a nokè̌po̤ǐ ahǐ ta ajûphû̌ toǒ dě a hǎhtò̌cû̌. A ǐlò̤ khǒkè asî tapwa̤ ta tapwa̤ ata̤ma̤ dě a hî̌kè pwa̤ǒpo̤ takhanu tapwa̤ ta a glè sòklòǒpo̤shǔ hǐnu. ^b

35 “Hǐběcǎ glè gesǒ bò̌khòtè pěnu sî sî̌ya tò̤. Mî̌ a gesǒ htû̌꤮ lṳmṳhǎ pě ya, mè̤tò̤mî̌ a gesǒ htû̌꤮ lṳmṳna̤kha pě ya, mè̤tò̤mî̌ a gesǒ htû̌꤮ shîû̌ pě ya, mè̤tò̤mî̌ htû̌꤮ lṳmṳlî pě yanu, sî sî̌ya tò̤ akhû̌akhî, sòklòshǔ lǒkho nî̌꤮. 36 Ma̤tè̤hî̌dě hǐběcǎ dè geto̤sumṳhtò̌ pě dě, nokè̌shǐ pû yǎ ta sî hǎmoǒshope̤ ma̤ nî̌꤮. 37 Ta̤htě he hî̌ bǎ sîhtǒo toǒ numî̌, he pwe̤ǐbò bǎ hekhophijaû̌ pṳ̂̌tapwa̤, hǐnudě ‘Sòklòǒpo̤shǔ lǒkho nî̌꤮.’”