Matthew 18:6-9
(Mǎ̤riko 9:42-48; Lǔka 17:1-2)
6“Kòyò tapwa̤pwa̤ dè noma̤sǔ phijaû̌pî̌tî̌gutṳ̌ htě a yṳǎ he htǒotoǒ akla tapwa̤pwa̤ hî̌nu, co lo̤dû̌ a gobolo̤nu dě wîlò̤te̤kè yǎ shidû̌shite̤we̤kû numî̌ awǒkhlope nû̌ûya. 7“Ta̤ htě a hè lǒǎplò̤ǎ kòyò dě a noma̤sǔ kònu a ǒ toǒ. Hǐnu akhû̌akhî, Cǒmara cèròjî cèròjû kòyòhǎkhû̌phû̌ toǒ pě. Ta̤ htǒotoǒnu, a bǎ hè mè̤mè̤̌ pě. Pwǎ̤tadě Cǒmara cèròjî cèròjû kòyò htě a ma̤ htûhtò̌ ta̤ htǒotoǒ pě. 8Na cǔde bǎbǎ, na khò̌lopo̤ bǎbǎ, a dè noma̤ na ta̤sǔ hî̌dě pe̤tṳ yǎdě wîkè anu. Na cǔdetṳ na khò̌lopo̤tṳ dě na geginṳbò̌ mǒkhû̌nu awǒkhlope ta na cǔde khò̌lopo̤ ǒpṳ̂̌ dě Cǒmara wîlò̤te̤kè na mî̌kla tûjûpwa̤ talakhǎnu taphǎ akû pěnu. a 9Nami̤sǎ dè noma̤ na ta̤sǔ hî̌dě cîwîhtò̌kè yǎdě wîkè anu. Nami̤sǎ ǒpwǎ tokhopa dě na geginṳbò̌ mǒkhû̌nu awǒkhlope ta nami̤sǎ ǒpṳ̂̌bò ginǐ̤kho dě Cǒmara wîlò̤te̤kè na ngariǒkû pěnu.” b
Copyright information for
KxfSCKRC