Mat 4:18-22 | KxfSCKRC | STEP | Bǎ Ye̤shǔ cû̌ Galilî̌a shikoǒhtu akhanu, a kè̌shǐ pṳ ta wè̤ sò̌gini̤. Tapwa̤ mî̌ ami̤ ta Shîmǒ̤nè̤ mè̤tò̤mî̌ kò kaǎ nû̌ûta Petru, ta apṳ Adrěa. Bǎnuakha asî shî̌ǎtò̤phû̌ ta ji bǎ shikoǒdû̌kû, ma̤tè̤hî̌dě a pṳ̂ǎ lǒkho pwǎ phushǎpwe̤shǎ ta tò̤phû̌ pwǎ.

‏ Matthew 4:18-22

Ye̤shǔ kaǎnṳ pwa̤ma̤ǎ tò̤phû̌ sò̌li̤

(Mǎ̤riko 1:16-20; Lǔka 5:1-11)

18 Bǎ Ye̤shǔ cû̌ Galilî̌a shikoǒhtu akhanu, a kè̌shǐ pṳ ta wè̤ sò̌gini̤. Tapwa̤ mî̌ ami̤ ta Shîmǒ̤nè̤ mè̤tò̤mî̌ kò kaǎ nû̌ûta Petru, ta apṳ Adrěa. Bǎnuakha asî shî̌ǎtò̤phû̌ ta ji ^{▼▼Kòyò toǒǒ a sî̌ya pwǎ “tǐ̤”} bǎ shikoǒdû̌kû, ma̤tè̤hî̌dě a pṳ̂ǎ lǒkho pwǎ phushǎpwe̤shǎ ta tò̤phû̌ pwǎ. 19 Dě Běcǎ hî̌ asî, “Cû̌꤮ gûkû̌ hekò. He sû̌ǐtòwòǐ sî ma̤pûhǐ sî kaǎnṳ kòyò pwǐ sî pṳ̂ǎnṳ tò̤phû̌ htǒonu.” 20 Taplǎpa asî bè̌kè a ji dě a gûcû̌kû̌ nû̌ûkò.

21 Běcǎ cû̌sělěpo̤ alo̤mo̤ tîkî̌phû̌ dě a kè̌shǐ Sebedè̌o aphû̌ Jǎgomo̤ ta apṳ Jowǎ̤ni̤ shò̌bǐ lǒkho a ji bǎ sǒkhlikû. 22 Taplǎpa asî bè̌kè asî sǒkhli ta apha dě a gûcû̌kû̌ Ye̤shǔ akò.