Psa 114 | KxfSCKRC | STEP | Bǎ Israelphû̌ mî̌ Yǎ̤kò akhlialè a ǒ dě Egyptga, khlilèphû̌hǔwa̤ aga dě a hǎhtò̌gekè akhanu,

‏ Psalms 114

1 Bǎ Israelphû̌ mî̌ Yǎ̤kò akhlialè a ǒ dě Egyptga, khlilèphû̌hǔwa̤ aga dě a hǎhtò̌gekè akhanu, ^a 2 Yṳ̌daphû̌ htûhtò̌ Cǒmara akòyò cahtǐ.

Cǒmara pǒǐbò Israelphû̌.

3 Shidû̌shite̤we̤ kè̌shǐ dě a hǎhtò̌khlè̌cû̌ tephekè. ^b

Jòda shikhî̌ dě a dû̌ǒkǔkè. ^c

4 Kholodû̌kholohtû pe̤ lò̤kèta sophû̌phadû̌.

Kholoplǔphû̌ pe̤ lò̤kèta sophû̌phû̌.

5 Kǒ shidû̌shite̤we̤, na cû̌ hǎhtò̌khlè̌ tephekè ma̤tè?

Kǒ Jòda shikhî̌, na cû̌ dû̌ǒkǔkè ma̤tè?

6 Kǒ kholodû̌kholohtû toǒ, sî cû̌pe̤ sǒsǒkû̌ta sophû̌phadû̌ mî̌ ma̤tè?

Kǒ kholoplǔphû̌ toǒ, sî cû̌pe̤ sǒsǒkû̌ta sophû̌phû̌ mî̌ ma̤tè?

7 Kǒ hǎkhû̌, gònò̤gèglè mò̌ dě Běcǎ ta̤adû̌ alo̤mo̤nu.

Gònò̤gèglè mò̌ dě Yǎ̤kò acǒmaradû̌ alo̤mo̤nu.

8 Lo̤nu, Cǒmara nohtûhtò̌ nû̌û ta shikoǒ.

Lo̤dû̌nu, a nohtûhtò̌ nû̌û ta shihtǎpo̤. ^d