‏ Psalms 136

Ta̤htû̌sò̌ǐ Cǒmara ata̤mo̤ǐ htě ahǎbòjò tò̤

1Cǒmara tûjûpwa̤ wǒ mè̤mè̤̌, hî̌bwǐhî̌sîrîhtò̌ lǒkho yǎ.

Ata̤mo̤ǐ htě ahǎbòjò tò̤nu, a ǒměǒgle tûjûpwa̤. ^a

2Hî̌bwǐhî̌sîrîhtò̌ Cǒmaradû̌ htě asîrîpo̤phǎkhlo ta Cǒmara ahǔwa̤ toǒ.

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

3Hî̌bwǐhî̌sîrîhtò̌ Běcǎ ta̤adû̌ htě asîrîdû̌sîrîhtûkhlo ta Běcǎ ahǔwa̤ toǒ.

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

4Pwa̤ htě a ma̤jò ta̤cǒklî̌kî̌ya numî̌ pǒ̤꤮ Cǒmara pwǎ.

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

5Cǒmara mî̌ pwa̤ htě a bǒlò̤ mǒkhû̌ ta ata̤sî̌yaphlophǎ. ^b

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

6A mî̌ pwa̤ htě a dalò̤ hǎkhû̌ dě shidû̌shite̤we̤kû. ^c

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

7A mî̌ pwa̤ htě a bǒlò̤ lṳmṳ, la ta shǎ. ^d

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

8A mî̌ pwa̤ htě a nopǒǐ lṳmṳ ta lṳmṳsha.

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

9A mî̌ pwa̤ htě a nopǒǐ la, shǎ ta lṳmṳkhǐ.

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

10Cǒmara mî̌ pwa̤ htě a ma̤sikèbò Egyptga phû̌wè̤pwa̤ toǒ. ^e

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

11A mî̌ pwa̤ htě a kaǎhǎhtò̌kè Israelkhlilèphû̌ toǒ dě Egyptga. ^f

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

12A mî̌ pwa̤ htě a kaǎhtò̌ge asî ta acǔde htě asîrîshû̌sho, acû̌go htě asîrîpo̤phǎ.

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

13A mî̌ pwa̤ htě a ma̤phò̌ shidû̌shite̤we̤ ginǐ̤kho. ^g

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

14A mî̌ pwa̤ htě a nocû̌tûlû̌ Israelkhlilèphû̌ toǒ dě shidû̌shite̤we̤ akǎmakû. ^h

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

15A mî̌ pwa̤ htě a ma̤lòcǔsi kèbò Egyptgaphû̌ ta akliphû̌ toǒ dě shidû̌shite̤we̤kû. ⁱ

Ata̤mo̤ǐ dě ahǎbòjò tò̤nu, a ǒgloǒmě tûjûpwa̤.

16A mî̌ pwa̤ htě a sûcû̌tûlû̌bò̌kè akòyò toǒ ta lo̤mî̌shǒklakhû̌.

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

17Cǒmara mî̌ pwa̤ htě a ma̤pè̤kè Khwǐ htě a sîrîshû̌sho toǒ.

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

18A mî̌ pwa̤ htě a ma̤sikè Khwǐ htě asîrîdû̌sîrîhtû toǒ.

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

19A mî̌ pwa̤ htě a ma̤sikè Amò̌rî̌khlilèphû̌khwǐ Khwǐsǐho. ^j

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

20A mî̌ pwa̤ htě a ma̤sikè Bashagakhwǐ Khwǐokǎ. ^k

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

21A mî̌ pwa̤ htě a ǐ Khwǐnu toǒ ahǎkhû̌ ta akòyò toǒ aya û̌cata̤bî̌.

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

22Û̌cata̤bî̌ htǒo, aǐkè nû̌ûta apwa̤ma̤ta̤phû̌ Israelkhlilèphû̌.

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

23Bǎ pa khû̌ǎyû̌lò̤ mè̤mè̤̌ akhanu, Cǒmara shope̤kè nǒ pa tò̤.

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

24A mî̌ pwa̤ htě a ma̤lû̌htò̌ge pa dě pwa̤sò̌khě pa toǒ acǔdekû.

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

25A mî̌ pwa̤ htě a ǐ ta̤bǒlò̤ ta asò̌htûpwa̤ ǒ lǒ̤꤮ bò ala̤ǎla̤o aya.

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

26Hî̌bwǐhî̌sîrîhtò̌ Cǒmaradû̌ htě a pǒǐ mǒkhû̌nu tapwa̤.

Ata̤mo̤ǐ htě ahǎbòjò tò̤nu, a ǒměǒgle tûjûpwa̤.