Psalms 70
Ta̤kwisabahtò̌ ta ta̤ma̤jè aya
(Ta̤htû̌sò̌ǐ 40:13-17)
Khwǐdǎ̤wi̤ ata̤sò̌po̤ htû̌sò̌ǐ. Ta̤sò̌po̤ htǒomî̌ pwa̤sò̌po̤ ta̤ ahǐkǒlǒkòdû̌ dě ta̤lṳhtò̌hokûnu toǒ aya. Dě bǎ akwigwèbǎǐhtò̌ Cǒmara akhanu, a sò̌po̤ ta̤sò̌po̤ htǒoto̤to̤.
1Kǒ Cǒmaradû̌ ma̤lû̌htò̌ge phwèmò̌ he. Kǒ Cǒmara tûjûpwa̤ hèma̤jè phwèphwè mò̌ he. 2Kòyò htě a kè̌lǎ ma̤si he toǒnu, nosòwò̤ htò̌ti̤pǐ̤te̤pe̤kèbò tû̌ asî. Kòyò htě a sò̌yṳ nopî̌nolṳ̂kè he toǒnu, nosòwò̤ khlè̌gekhîbò asî. a 3Kòyò htě a hî̌ he ta, “Grǔ, grǔ” toǒnu, nokhlè̌gekhîbò asî ta ta̤sòwò̤ pě nî̌. 4Pwǎ̤ta kòyò htě a kè̌lǎ na toǒnu, a sò̌le̤sò̌lò̤ mo̤sû̌mo̤sò̌bò tû̌ta. Kòyò htě a mo̤ǐ nata̤ma̤lû̌htò̌ge toǒnu, a hî̌hèpo̤ lǒkho ta, “Htû̌sò̌ǐ Cǒmaradû̌,” hǐnu pṳ̂̌plǎplǎ pě. 5Kǒ Cǒmaradû̌ he mî̌ kòyò htě kòpè̤ǎpè̤o nû̌û. He ǒshèwè tû̌ akhû̌akhî, hèphwè mò̌ dě heǒ. Na mî̌ pwa̤ma̤jè he, pwa̤ma̤lû̌htò̌ge he. Kǒ Cǒmara tûjûpwa̤, ma̤yo pûma̤.
Copyright information for
KxfSCKRC