Gen 18:10-14 | KxfSCKRC | STEP | Bǎnu sò̌sukla tapwa̤ numî̌ Cǒmara tûjûpwa̤ dě a hî̌ Abraham, “Htû̌꤮ něbǎ pwǐ khònò̤kha htǒo pěnu, he hè gesǒ mè̤mè̤̌sǒ dě na ǒ pě. Dě nama Sharǎ phû̌ǒlò̤nṳ phû̌makhû tapwa̤ pě.” Bǎ a hî̌ hǐnuakha, Sharǎ gana̤de dě hǐphû̌ takhahtu bǎ asî nǒkònu.

‏ Genesis 18:10-14

10 Bǎnu sò̌sukla tapwa̤ numî̌ Cǒmara tûjûpwa̤ dě a hî̌ Abraham, “Htû̌꤮ něbǎ pwǐ khònò̤kha htǒo pěnu, he hè gesǒ mè̤mè̤̌sǒ dě na ǒ pě. Dě nama Sharǎ phû̌ǒlò̤nṳ phû̌makhû tapwa̤ pě.” ^a

Bǎ a hî̌ hǐnuakha, Sharǎ gana̤de dě hǐphû̌ takhahtu bǎ asî nǒkònu. 11 Bǎnukha Abraham ta Sharǎ sò̌gini̤bò mî̌ a mo̤pwa̤ hǒ dě Sharǎnu mamǔsǐla̤klo hèpetò̤ akhû̌akhî, aphû̌ ǒjòpetò̤ hǒ. ^b 12 Hǐnuakhû̌akhî Sharǎ ya̤lò̤hǔ tû̌ ana̤ dě a gènè̤, “He mo̤pwa̤ hǒ. Hewṳ̂ mî̌ a mo̤pwa̤ mè̤mè̤̌ hǒhǒ. Hǐnudě he glè hǎmoǒkû̌ ta a dě a cû̌ma̤mo̤jòpe hesò̌phlǒ hî̌tè?” ^c

13 Htǒotaplǎ dě Cǒmara tûjûpwa̤ hî̌ Abraham, “Ma̤hî̌tèdě Sharǎ ya̤ dě a cû̌hî̌tǒ̤ ta, ‘Khònò̤htǒo he mo̤pwa̤ hǒ dě he phû̌ǒjòpe ya?’ 14 Cǒmara tûjûpwa̤ ma̤jòta̤ tò̤nu mî̌ a ǒnǒ ya? Pwǐ he pwe̤ǐhtokè na ta htû̌꤮ něbǎ pwǐ khònò̤kha pě, he hè gesǒ na ǒ pě dě Sharǎ phû̌ǒlò̤nṳ phû̌makhû tapwa̤ pě.” ^d