Genesis 4:3-8
3Akhîakha to̤hèta sǒsǎpwa̤ sǒsǎmi akha, Kaî̌no phî̌hènṳ sǒsǎwû̌pho htě ashǒǐ toǒ dě a hè lṳhtò̌ǐ nû̌ûta Cǒmara tûjûpwa̤. 4Pwǎ̤ta Abělènu a phî̌hènṳ sophû̌ phû̌wè̤pwa̤ apo̤kû htǒotado dě a lṳhtò̌ asû̌abè̌ htě awǐgutṳ̌ toǒ ta Cǒmara tûjûpwa̤. Dě Cǒmara sò̌phlǒto Abělè ta ata̤lṳta̤tò̌. a 5Pwǎ̤ta Kaî̌no ata̤lṳta̤tò̌ htǒonu, a to Cǒmara tûjûpwa̤ sò̌phlǒ tò̤ akhû̌akhî, Kaî̌no sò̌phlǒdû̌ tûlû̌shû̌ dě ami̤sǎ pî̌kè. 6Dě Cǒmara tûjûpwa̤ gwè Kaî̌no, “Na cû̌ sò̌phlǒdû̌ tǒ̤ ma̤tè? Nami̤sǎ cû̌pî̌tǒ̤ ma̤tè? 7Na dè ma̤to ta̤ dèhî̌dě he jû na tò̤ ya? Na dè ma̤to ta̤ tò̤ hî̌dě ta̤sǔ htǒonu alò̤ta sî̌ò̌ htě a ǒphǔ nakòshî̌ dě a gupṳ̂ǎ nayo̤, dě a sò̌yṳ pǒǐ na pò̤̌ta na bǎ ma̤pè̤kè a.” 8Ti̤ni̤kha Kaî̌no hî̌ apṳ Abělè, “Pa hǎhtò̌cû̌ hǔklakhû̌ hò꤮,” bǎ asî ǒ hǔklakhû̌ akhanu, a sò̌phlǒdû̌ apṳ Abělè dě a ma̤sikè nû̌û. b
Copyright information for
KxfSCKRC