Joh 12:1-8 | KxfSCKRC | STEP | Bǎ ta̤cû̌tûlû̌pwè bǎ hǒtò̤ ani̤ susǒ akhanu, Ye̤shǔ cû̌ dě Lǎ̤surǔ ǒ ǐ Betanǐdonu. Lǎ̤surǔ htǒotapwa̤ numî̌ Ye̤shǔ ma̤htûpwa̤gesǒ nû̌ûnu tapwa̤ hǒ.

‏ John 12:1-8

Ye̤shǔ ǒ dě Betanǐdo

(Matěo 26:6-13; Mǎ̤riko 14:3-9)

1 Bǎ ta̤cû̌tûlû̌pwè bǎ hǒtò̤ ani̤ susǒ akhanu, Ye̤shǔ cû̌ dě Lǎ̤surǔ ǒ ǐ Betanǐdonu. Lǎ̤surǔ htǒotapwa̤ numî̌ Ye̤shǔ ma̤htûpwa̤gesǒ nû̌ûnu tapwa̤ hǒ. 2 Kò ma̤wî̤ma̤wǒ bǔǎbǔoshǔ Běcǎ Ye̤shǔ ta lṳmṳhǎta̤ǎ dě Mǎ̤rita bǔǎbǔo kû̌kò bǎnu. Lǎ̤surǔ hǎnòò̌ ǒkû̌dǒ ta kòyò hǎnòò̌ ǎ lǒkho dî bǎ dîjowa̤ kòshî̌ aklanu toǒ. 3 Bǎnuakha Marǐa phî̌hènṳ shinṳmû̌ htě kò kaǎ yǎta na̤du htǒotò̤pò̤. Shinṳmû̌ htǒonumî̌ apwî̤dû̌ mè̤mè̤̌ dě a phǔ lò̤jè tî̤gî gûla̤. A hè lò̌lò̤ nû̌ûta Běcǎ Ye̤shǔ khò̌lopo̤lo̤ dě a htǔsûkè nû̌ûta akhû̌lṳ. Shinṳmû̌ htǒonu, a nṳmû̌ cû̌bò hǐ tama. ^a

4 – 5 Pwǎ̤tadě, akhophijaû̌ aklanu, ami̤ ta Yṳ̌da Isakarǐo htǒonu a ǒtapwa̤. Dě nǒkò a shaǎkè Běcǎnu tapwa̤ hǒ, dě a hî̌, “Shaǎkè shinṳmû̌ htě a nî̤ wû htǒonu dě cû̌ǐ yǎta kòyò shuphǔshèwèphû̌nu toǒ tò̤ ma̤tè? Na dè shaǎkè mî̌ a nî̤ wûyî̌ Dina̤ri sujè nî̌!” 6 A gwèbǎǐ mè̤mè̤̌ kòyò shuphǔshèwèphû̌ dě a hî̌ pwǐhè̌onu mè̤tò̤, ma̤tè̤hî̌dě a mî̌ a htû pwa̤ǎhǔ. A bǎ pṳ̂ bǎ kò wû, shebǎ kò wûhû̌khi ta a phî̌hǔ sala̤la̤ wû dě a noǎ tû̌pwǎ nû̌ûta aya.

7 “A ǒ tû̌ta, ma̤dǐdò ma̤ yǎ ma̤” Běcǎ Ye̤shǔ hî̌geshǔ hǐnu. “A bè̌wǒ bǎ he shinṳmû̌ htě kò la̤lǔ he pě ti̤ni̤ ayahǒ. 8 Kòyò shuphǔshèwèphû̌ toǒ ǒkû̌dǒ ta sî pṳ̂̌꤮ taplǎ, pwǎ̤tadě hehtǒonu he ǒkû̌sayè̤ nǒ sî tò̤.” ^b