Luk 21:20-24 | KxfSCKRC | STEP | “Htû̌꤮ sî kè̌shǐ ta kli toǒ hèbote̤we̤ Ye̤rǔshèlèwî̤ pě akhanu, sî bǎ sî̌ya ta yî̤hǒtò̤ pě mî̌, kò ma̤pî̌kè yǎ pě.

‏ Luke 21:20-24

Ye̤shǔ hî̌ta kò ma̤lò̤te̤jakè Ye̤rǔshèlèwî̤ pě awi̤akè̌

(Matěo 24:15-21; Mǎ̤riko 13:14-19)

20 “Htû̌꤮ sî kè̌shǐ ta kli toǒ hèbote̤we̤ Ye̤rǔshèlèwî̤ pě akhanu, sî bǎ sî̌ya ta yî̤hǒtò̤ pě mî̌, kò ma̤pî̌kè yǎ pě. 21 Bǎnuakha, kòyò ǒ Yṳ̌dagakû toǒ bǎ hǎhtò̌khlè̌cû̌ ǒ dě kholokhû̌ pě. Kòyò ǒ dě wî̤dû̌wî̤htûkû toǒnu, a bǎ hǎhtò̌cû̌kè pě, dě kòyò ǒ dě wî̤kû tò̤ toǒnu cû̌ginṳ pûma̤ dě wî̤kû ma̤ nî̌. 22 Ma̤tè̤hî̌dě, pwǐ lî̤cahtǐ khwè̌nǎ ta̤cèrò amṳni̤mṳsa htǒotoǒ awi̤akè̌ lǒhtò̌behtò̌ pě aya pwǎ. ^a 23 Mṳni̤mṳsa bǎnukha pě mî̌, mamǔ htě a mo̤do toǒ ta mo̤ htě a phû̌pî̌tî̌ dě a onû̌pe nû̌û toǒnu, kò gwèbǎǐ mè̤mè̤̌ asî pě. Ta̤jîta̤jû hè bǎ shiga htǒotoǒ pě dě Cǒmara a ta̤cèrò lò̤bǎ kòyò htǒotṳmṳ akhû̌ pě. 24 Kò ma̤si asî toǒǒ ta dòdǔ pě, dě toǒǒnu, kò pṳ̂cǐcû̌kè asî dě gapṳ̂̌taga bǎ hǎkhû̌ bǎonu pě. Yṳ̌daphû̌ mè̤tò̤ toǒ ma̤jîma̤jû pè̤ǎpè̤o Ye̤rǔshèlèwî̤phû̌ toǒ pě, dě a pǒǐ to̤htû̌ asî Yṳ̌daphû̌ mè̤tò̤ toǒ akhîakha lǒhtò̌behtò̌ taplǎ pě.