Luk 21:7-19 | KxfSCKRC | STEP | Asî gwè, “Sara, ta̤ htǒotoǒnu a htûhtò̌ bò̌khòtè pě? Khîkha hèto̤ pěnu ta̤cǒklî̌kî̌ya ta̤ma̤dòǐ tacǎcǎ ǒlṳhtò̌wǐ pě ya?”

‏ Luke 21:7-19

Ta̤pò̤ta̤sha ta ta̤ma̤jîma̤jû

(Matěo 24:3-14; Mǎ̤riko 13:3-13)

7 Asî gwè, “Sara, ta̤ htǒotoǒnu a htûhtò̌ bò̌khòtè pě? Khîkha hèto̤ pěnu ta̤cǒklî̌kî̌ya ta̤ma̤dòǐ tacǎcǎ ǒlṳhtò̌wǐ pě ya?”

8 Ye̤shǔ hî̌shǔ asî, “Ma̤pûhǐ kò lǒǎplò̤ǎ cû̌nṳ ma̤ sî ma̤nu, ǒsè̌rè̌ lǒkho sîna̤ nî̌꤮. Kòyò htě a hè dǒkwèǐ lòhǎlòho lǒkho ana̤ ta hemi̤ pěnu a ǒplṳ̂pe, dě a dǒkwèǐ lòhǎlòholò̤ lǒkho ana̤, ‘He mî̌ Khrî̌stu hǒ,’ dě ‘Khîkha hèto̤phǔ hǒ,’ hǐnu pě pwǎ̤tadě gûkû̌ pû lǒkho asî kò ma̤ nî̌꤮. 9 Bǎ sî gana̤de ta̤shěta̤pe̤ ta ta̤shû̌shǎ ǒhtò̌ akhanu, ǐsha bǎgubǎgè lǒkho pûma̤ nî̌꤮. Ma̤tè̤hî̌dě bò꤮ ta̤ htǒotoǒnu, a bǎ ǒhtûhtò̌ wǐbòkhlo nò pě pwǎ̤ta hǎkhû̌ gutṳ mè̤hǒtò̤.”

10 Ye̤shǔ hî̌sělěpo̤, “Khlilèphû̌ tacǎ ta tacǎ sò̌khěkhû̌kwè nû̌û pě. Shiga taga ta taga gushěgupe̤ nû̌û pě. 11 Tṳtṳhtû̌dî̌ ǒhtò̌dǎlo̤dǎkhobò hǎkhû̌bǎo tò̤glò hto tò̤glò pě. Gawi̤gako ta ta̤shasila̤ toǒ ǒhtò̌dǎlo̤dǎkho plṳ̂ gûla̤ pṳ̂̌tò̤glò pě. Ta̤sò̌gònò̤ ǐsha toǒ ta ta̤ma̤dòǐ htě a cǒklî̌kî̌ya mè̤mè̤̌ toǒ ǒlṳhtò̌ dě mǒla̤ pě.

12 “Pwǎ̤tadě bǎ ta̤htǒotoǒ htûhtò̌ hǒtò̤ akhanu, hemi̤ akhû̌akhî, kò pṳ̂ sî kò ma̤jîma̤jû sî pě, kò sûcû̌ sî dě ta̤sabahǐkû pě dě kò cèrò sî pě, kò bè̌lò̤te̤ sî apo̤kû pě. Htodě kò sûcû̌ sî dě Khwǐ ta Khwǐcophǎ toǒ alo̤mo̤ pě. 13 Htǒomî̌ mè̤hǒ sî glè nî̤bǎ ashuakhwè dě sî glè pwe̤ǐ bǎ kò ta hewi̤hekè̌nu hǒ. 14 Bè̌gubè̌gènǎ wǐpû sî sò̌phlǒ ta sî hî̌bǎlû̌htò̌ tû̌ sîna̤ hî̌tè pěnu ma̤ nî̌꤮. ^a 15 Ma̤tè̤hî̌dě, ta̤hî̌bǎcǒhî̌bǎtè̤ ta ta̤sî̌ta̤jò htě kòyò sò̌khě sîtoǒ glè hî̌ geshǔjòpe sî dǐpwǎ̤꤮ tò̤ toǒnu, he ǐtû̌ sî pě. 16 Sî pṳwè̤, mo̤pha, khlilè, sû̌kho toǒ shaǎma̤si sîmi̤ pě. Asî ma̤si sîtoǒǒ pě. 17 Hekhû̌hekhî, kòyò pṳ̂̌꤮ tapwa̤ sò̌khěbò sî pě. 18 Pwǎ̤tadě sî khǔlṳ tabo pwǎ pěnu, a hǎmǎpè̤kè tò̤. 19 Ǒměǒgle lǒkho dě sî ma̤lû̌htò̌ge tû̌ sîna̤ pě.