Luk 8:11-15 | KxfSCKRC | STEP | “Ta̤dǒnè khěkhǒ htǒoto̤to̤nu amûasǎ hè hî̌tè hî̌dě, ta̤khli amûasǎ mî̌ Cǒmara ale̤ayo̤.

‏ Luke 8:11-15

Ye̤shǔ dǒhtû̌ǐphlo bǎ asî ta pwa̤wi̤lò̤ ta̤khli ata̤dǒnè khěkhǒ amûasǎ

(Matěo 13:18-23; Mǎ̤riko 4:13-20)

11 “Ta̤dǒnè khěkhǒ htǒoto̤to̤nu amûasǎ hè hî̌tè hî̌dě, ta̤khli amûasǎ mî̌ Cǒmara ale̤ayo̤. 12 Ta̤khli htě a lò̤te̤ cû̌ klè̌lo̤ amûasǎ mî̌ mî̌pwǎ kòyò htě a gana̤de lǒkho Cǒmara ale̤ayo̤ pwǎ̤tadě khînǎmo̤pha hǐkǒdû̌ hèphî̌ tephekè Cǒmara ale̤ayo̤ dě asî sò̌phlǒkû. Htohǒtò̤ ma̤pûhǐ asî yṳǎ tò̤ ta asî nî̤bǎ ta̤htè̌ge tò̤nu dě khînǎmo̤pha hǐkǒdû̌ hèma̤ pwǎ hǐnu. 13 Ta̤khli lò̤te̤ lo̤kla amûasǎ numî̌ mî̌pwǎ kòyò htě a gana̤de Cǒmara ale̤ayo̤ toǒ dě a sò̌le̤sò̌lò̤ phî̌shǔ lǒkho pwǎ̤ta asǒsǒta ta̤khli htě akhò̌wi̤ yṳ̂lò̤yo̤tò̤nu. Asî yṳǎ lǒkhopwǎ teděsǎ pa. Dě bǎ ta̤htû̌sǒbǎ aphû̌mò̤ hèbǎ asî akhanu, a ta̤yṳta̤nǎ hǎmǎkè pwǎ. 14 Ta̤khli lò̤te̤to dě ta̤shî̌shǒshî̌prûkla amûasǎ htǒonumî̌ mî̌pwǎ kòyò htě a gana̤de Cǒmara ale̤ayo̤ htǒotoǒnu hǒ. Pò̤̌ta, bǎ a ǒhtûpwa̤pe akhanu, ta̤bǎgubǎgè toǒ, ta̤dû̌yò̤htò̌sa toǒ ta asî mo̤ǐ ata̤sò̌yṳsò̌bǎ htǒotuhtu toǒ khè̌bǐbòkè bǎ asî pwǐ ta̤shî̌shǒshî̌prû khè̌bǐ nû̌û akhû̌akhî, asǎpwa̤ bò̌kû̌pe kò dǐkhò̌꤮ tò̤. 15 Ta̤khli lò̤te̤to hǎplǒhǎyî̌wî̤khû̌ amûasǎ mî̌ mî̌pwǎ kòyò htě a gana̤de Cǒmara ale̤ayo̤ dě a yṳǎ cǒtè̤ ta a to̤nṳphî̌nṳ nû̌û dě a sò̌phlǒkû, htohǒtò̤ a gana̤dewǒ Cǒmara yo̤ dě a khòsò̌do to̤htû̌ asǎhtò̌phohtò̌.