Luk 8:22-25 | KxfSCKRC | STEP | Ti̤ni̤nu Ye̤shǔ ta akhophijaû̌ toǒ cû̌nṳ dě sǒkhli tabǎ akû dě a hî̌ asî, “Pa hǎhtò̌cû̌ dě shikoǒ bò̌kho tokho hò̌꤮” Dě asî hǎhtò̌cû̌ lǒkho.

‏ Luke 8:22-25

Ye̤shǔ noǒkǔ gili̤sǎ

(Matěo 8:23-27; Mǎ̤riko 4:35-41)

22 Ti̤ni̤nu Ye̤shǔ ta akhophijaû̌ toǒ cû̌nṳ dě sǒkhli tabǎ akû dě a hî̌ asî, “Pa hǎhtò̌cû̌ dě shikoǒ bò̌kho tokho hò̌꤮” Dě asî hǎhtò̌cû̌ lǒkho. 23 Bǎ asî hǎhtò̌cû̌ akhanu, Ye̤shǔ hǎmoǒshope̤, dě bǎnu akha, gili̤sǎ hèdû̌, shipěpǒ dě a pla̤nṳbò sǒkhlikû, dě asî bǎgubǎgè lǒ̤bò pṳ̂̌꤮ tapwa̤.

24 Akhophijaû̌ toǒ cû̌ htû̌wè̤ihtǒ nû̌û dě a hî̌ nû̌û, “Kǒ꤮ sara, kǒ꤮ sara, pa glè̌ lòcǔsibò hǒ.”

Ye̤shǔ pe̤ihtǒ dě a sǎhtǎ gili̤sǎ ta shipěpǒ dě gili̤sǎ ǒkǔkè dě shiǒkǔ hè. 25 Dě a hî̌ akhophijaû̌ toǒ, “Sî ta̤yṳta̤nǎ ǒ bǎtè?”

Asî sû̌pi̤sò̌pi̤ lǒ̤bò, htohǒtò̤ asî ǐsha lǒkho dě a hî̌ kè̌khînû̌û, “A mî̌ kòyò hî̌tè tapwa̤tè? A sǎhtǎpwǎ gili̤ ta shipěpǒ gana̤de jòjò̌ nû̌ûyo̤yo̤.”