Luk 9:22-27 | KxfSCKRC | STEP | Htodě a hî̌po̤ asî, “Kòyòphû̌khû mî̌ hehtǒo, a bǎ khòbǎ plṳ̂ ta̤jîta̤jû pě, dě Yṳ̌daphû̌ aprṳ̂aho hǐkǒdû̌ toǒ ta pwa̤tòlûhtò̌ hǐkǒdû̌ toǒ ta pwa̤sû̌ǐ ta̤sû̌ta̤tòwò asara toǒ glè jûhetò̤, a sǒtephekè he pě. Kò ma̤sikè he pě dě suni̤ti̤ni̤ pěnu Cǒmara ma̤htûpwa̤gesǒ he pě.”

b Matěo 10:39; Lǔka 17:33; Jowǎ̤ni̤ 12:25

‏ Luke 9:22-27

Ye̤shǔ pwe̤ǐlṳ a ta̤khòjîkhòjû awi̤akè̌ ta ata̤si awi̤akè̌

(Matěo 16:20-28; Mǎ̤riko 8:30-9:1)

22 Htodě a hî̌po̤ asî, “Kòyòphû̌khû mî̌ hehtǒo, a bǎ khòbǎ plṳ̂ ta̤jîta̤jû pě, dě Yṳ̌daphû̌ aprṳ̂aho hǐkǒdû̌ toǒ ta pwa̤tòlûhtò̌ hǐkǒdû̌ toǒ ta pwa̤sû̌ǐ ta̤sû̌ta̤tòwò asara toǒ glè jûhetò̤, a sǒtephekè he pě. Kò ma̤sikè he pě dě suni̤ti̤ni̤ pěnu Cǒmara ma̤htûpwa̤gesǒ he pě.”

23 Htodě Ye̤shǔ hî̌shǔ asî pṳ̂̌꤮ tapwa̤, “Kòyò tapwa̤pwa̤ dè sò̌yṳ gû hekò hî̌nu, a tobǎ ma̤ pwǐ he sò̌yṳnoma̤ yǎnu toǒ, jǔ꤮ ama̤ tû̌ asò̌phlǒ mî̌ anî̤ tò̤. A bǎ ò̌htò̌ tû̌ a nò̌dòhtǔ pṳ̂̌꤮ ti̤ni̤ dě a bǎ gû hekò. ^a 24 Ma̤tè̤hî̌dě kòyò htě a sò̌yṳ ma̤lû̌htò̌ge tû̌ a ta̤htûpwa̤ tapwa̤pwa̤nu, a ta̤htûpwa̤ glè hǎmǎkè pě. Pwǎ̤ta hekhû̌hekhî, kòyò tapwa̤pwa̤ dè ǐlò̤kè a ta̤htûpwa̤ hî̌nu, a nî̤bǎ ta̤htûpwa̤ tûjûpwa̤ pě. ^b 25 Kòyò tapwa̤pwa̤ dè nî̤bǎbò hǎkhû̌tebě a ta̤dû̌yò̤htò̌sa toǒ pwǎ̤ta a dè lò̤jûkè a ta̤htûpwa̤ tûjûpwa̤ htǒo hî̌nu abwǐǒ nû̌ûya hî̌tè? 26 Kòyò tapwa̤pwa̤ dě a sòwò̤ he ta hele̤heyo̤ htǒotoǒ tapwa̤pwa̤nu, htû̌꤮ kòyòphû̌khû mî̌ hehtǒo hè ta a ta̤sîrîdû̌sîrîhtû ta apha a ta̤sîrîdû̌sîrîhtû ta mǒkhû̌tanaphû̌ cahtǐ toǒ a ta̤sîrîdû̌sîrîhtû pě akhanu, he sòwò̤ lè̌ ala̤ pě. 27 He hî̌ mè̤mè̤̌ sî, kòyò htě a ihtǒ ǒbǎ sîklabǎo toǒǒnu, bǎ asî si hǒtò̤kha, asî kè̌shǐbǎ lǒkho Cǒmara hè pǒshipǒga pě.”