Mar 12:38-40 | KxfSCKRC | STEP | Bǎ Ye̤shǔ sû̌ǐtòwòǐ kò akhanu, a hî̌, “Ǒsè̌rè̌ lǒkho sîna̤ ta pwa̤sû̌ǐ ta̤sû̌ta̤tòwò asaranu toǒ nî̌꤮. Asînu toǒmî̌ a phî̌dû̌phî̌htû lǒkho ana̤ dě a sò̌yṳ sǒ lǒkho hǐdopo̤to̤ toǒ dě bǎ a kè̌shǐ glashǔ ta kò klǎkû akhanu, a sò̌yṳ nohî̌bǎ bè̌dubè̌na̤ kò ta ana̤.

‏ Mark 12:38-40

Ye̤shǔ ǐsè̌rè̌ kòyò saprṳ̂saphǎ toǒ ta pwa̤sû̌ǐ ta̤sû̌ta̤tòwò asaranu toǒ awi̤akè̌

(Matěo 23:1-36; Lǔka 20:45-47)

38 Bǎ Ye̤shǔ sû̌ǐtòwòǐ kò akhanu, a hî̌, “Ǒsè̌rè̌ lǒkho sîna̤ ta pwa̤sû̌ǐ ta̤sû̌ta̤tòwò asaranu toǒ nî̌꤮. Asînu toǒmî̌ a phî̌dû̌phî̌htû lǒkho ana̤ dě a sò̌yṳ sǒ lǒkho hǐdopo̤to̤ toǒ dě bǎ a kè̌shǐ glashǔ ta kò klǎkû akhanu, a sò̌yṳ nohî̌bǎ bè̌dubè̌na̤ kò ta ana̤. 39 Htohǒtò̤ dě ta̤sabahǐkûnu bǎbǎ, pwèkûnu bǎbǎ, asî sò̌yṳ hǎnòò̌lò̤ lǒkho gûla̤ htě kò bè̌dubè̌na̤ yǎnu toǒ pwǎ. 40 Ma̤pûhǐ asî phî̌sigwiwe̤saphǎ mamǔǒkhwè̌ toǒ ahǐ ta̤kî̌ta̤kû̌dě, asî lǒplò̤ kò, htohǒtò̤ ma̤pûhǐ kò gana̤de dě kò kè̌shǐpe pû asî ta̤sǔ tò̤ ayanu, a kwisaba htûgipi̤ bǎ kò. Dě asî ma̤hǐnu akhû̌akhî, asî khòbǎ jîkhlobò kò ta̤cèrò pě.”