Mar 12:41-44 | KxfSCKRC | STEP | Ye̤shǔ hǎnòò̌phǔ bǎ kò la̤bè̌plǒ wûtǒ gûla̤ alo̤mo̤nu dě a kè̌ kòyò toǒ hè shû̌nṳ wû akha, kòyò dû̌yò̤htò̌sa saprṳ̂ hè shû̌nṳ plṳ̂ wû.

‏ Mark 12:41-44

Mamǔǒkhwè̌ tapwa̤ a ta̤ma̤lṳ

(Lǔka 21:1-4)

41 Ye̤shǔ hǎnòò̌phǔ bǎ kò la̤bè̌plǒ wûtǒ gûla̤ alo̤mo̤nu dě a kè̌ kòyò toǒ hè shû̌nṳ wû akha, kòyò dû̌yò̤htò̌sa saprṳ̂ hè shû̌nṳ plṳ̂ wû. 42 Pwǎ̤ta mamǔǒkhwè̌ shuphǔshèwè ǒ tapwa̤ dě a hè shû̌nṳdǒ wû tîlîlî̤ ginǐ̤bǎ htě apwî̤ gunò̤ pwǎ ta wû tabǎnu pwǎ.

43 Dě Ye̤shǔ kaǎplǒ akhophijaû̌ toǒ a ǒ dě a hî̌ asî, “He hî̌ mè̤mè̤̌꤮ sî, kòyò lǒ̤꤮ bò htě a hèshû̌nṳ wû dě la̤shû̌nṳ wûtǒkû htǒonu mamǔǒkhwè̌nu tapwa̤ shû̌nṳ dû̌khlo kò hǒ. 44 Ma̤tè̤hî̌dě lǒ̤꤮ bò a hèshû̌nṳ wûnu toǒmî̌, a taǒlǒǒbe shû̌lě dě a hèshû̌nṳ pwǎ lǒkho ata ǒ kashikashǎkènu toǒ. Pwǎ̤tadě mamǔǒkhwè̌ htǒotapwa̤ numî̌ a shuphǔshèwè, a taǒlǒǒbe tò̤ pò̤̌ta a hèshû̌nṳbòkè awû htě a la̤bǔǎ nû̌ûta a ta̤htûpwa̤ aya htǒonu hǒ.”