Mar 3:13-19 | KxfSCKRC | STEP | Htodě Ye̤shǔ htò̌ kholokhû̌ dě a kaǎhè kòyò htě ato nû̌ûsò̌phlǒnu toǒ dě asî hè lǒkho nû̌ûǒ.

‏ Mark 3:13-19

Ye̤shǔ wû̌lǎ akhophijaû̌ shǐsò̌gini̤

(Matěo 10:1-4; Lǔka 6:12-16)

13 Htodě Ye̤shǔ htò̌ kholokhû̌ dě a kaǎhè kòyò htě ato nû̌ûsò̌phlǒnu toǒ dě asî hè lǒkho nû̌ûǒ. 14 Ye̤shǔ wû̌lǎkaǎ akhophijaû̌ shǐsò̌gini̤ dě a hî̌ asî, “He wû̌lǎ sî ta sî tobǎ ǒkû̌dǒ ta he htohǒtò̤ he nohǎhtò̌cû̌ sî pě dě sî bǎ cû̌ dǒhtû̌ǐ kòyò ta Cǒmara ale̤ayo̤ pě. Dě a kaǎ asî htǒo shǐsò̌gini̤ ami̤ ta pwa̤nophû̌. ^{▼▼Lî̤phělo̤ dě wǐnukha toǒǒnu, a kaǎpo̤ tû̌ asî htǒo shǐsò̌gini̤ ami̤ ta pwa̤nophû̌, lî̤ htǒotòkrònu a khwè̌ nû̌û tò̤.} 15 Htohǒtò̤ he ǐ sî ta̤sîrîshû̌sho dě sî bǎ wṳ̂hǎhtò̌pè̤kè khînǎnu toǒ pě.” 16 Ye̤shǔ wû̌lǎ akhophijaû̌ shǐsò̌gini̤ htǒotoǒ numî̌ kwè̌꤮ ûpè hî̌ dě, Shîmǒ̤nè̤ (htě Ye̤shǔ kaǎsatèplè̌ nû̌ûmi̤ ta Petru) 17 Sebedè̌o aphû̌makhû Jǎgomo̤ ta apṳ Jowǎ̤ni̤, dě Ye̤shǔ kaǎsatèplè̌ asîmi̤ ta Bò̌neragè̌. Amûasǎ mî̌ tî̌lî̌ a phû̌makhû toǒ. ^{▼▼Pwa̤sî̌pwa̤jò toǒǒ hî̌, tî̌lî̌ a phû̌makhû amûasǎ mî̌, asî sò̌phlǒdû̌phwè tû̌ata, pwa̤sî̌pwa̤jò toǒǒ dě a hî̌lè̌ ta, asî dè pwe̤ǐ bǎ kò hî̌nu, a ǒkè ta a sîrîshû̌sho hǒ, a hî̌ hǐnu.} 18 Adrěa, Phǐlǐpo, Batolomě̤o, Matěo, To̤mǎ̤jo, Alphěo aphû̌khû Jǎgomo̤, Tadè̌, Shîmǒ̤nè̤ htě a mo̤ǐ ashiaganu tapwa̤, 19 Ta Yṳ̌da Isakarǐo htě a shaǎlò̤kè Ye̤shǔnu tapwa̤.