Mar 7:14-23 | KxfSCKRC | STEP | Dě Běcǎ Ye̤shǔ kaǎhèphǔ kòyò saprṳ̂ akòshî̌ dě a hî̌ asî, “Pṳ̂̌꤮ tapwa̤ gana̤de lǒkho he hî̌ sîhtǒo dě jipwi̤ kè̌lǎsî̌ya te̤mǎ lǒkho.

‏ Mark 7:14-23

(Matěo 15:10-20)

14 Dě Běcǎ Ye̤shǔ kaǎhèphǔ kòyò saprṳ̂ akòshî̌ dě a hî̌ asî, “Pṳ̂̌꤮ tapwa̤ gana̤de lǒkho he hî̌ sîhtǒo dě jipwi̤ kè̌lǎsî̌ya te̤mǎ lǒkho. 15 Ta̤htě a ǒ akhlo dě a hènṳ kòyò tapwa̤pwa̤ akû toǒnu ama̤ phû̌mò̤jò nû̌û tò̤, pwǎ̤ta ta̤htě a ǒ kòyò sò̌phlǒkû dě a hǎhtò̌ toǒ numî̌ ama̤ phû̌mò̤pwǎ nû̌û.” 16 (“Sî lǒ̤꤮ bò htǒotoǒ, sî dè sò̌yṳ sî̌ya hî̌dě, gana̤de lǒkho pû.”) ^{▼▼Kò khwè̌ lî̤ ta̤phě dě awǐkha toǒǒnu, a khwè̌nṳpadǒ lî̤htǒotama tò̤}

17 Ye̤shǔ hǎhtò̌cû̌ tephekè kòyò ǒwo̤kla dě bǎ a cû̌nṳ hǐdǒkû akhanu, akhophijaû̌ toǒ gwè nû̌û yo̤sǎkhěkhǒ amûasǎ toǒ. 18 Dě a hî̌ asî, “Sî sî̌ya kû̌nò kò hǒtò̤ ya? Sî tobǎ sî̌ya ta, shǎǎ hî̌tètè̌꤮ bǎbǎ, a ǒ akhlo dě a hènṳ kòyòkû toǒ numî̌, ama̤ phû̌mò̤jò nû̌û tò̤. 19 Ma̤tè̤hî̌dě shǎǎ htǒonu, a nṳ nû̌û sò̌phlǒkû mè̤tò̤, a nṳ nû̌û phuto̤gokû dě a bǎ hǎhtò̌cû̌kèpwǎ dokhlo.” (A hî̌ hǐnumî̌, a sò̌yṳ hî̌ ta, shǎǎ hî̌tètè̌꤮ bǎbǎ, ǎ mî̌ a nî̤bò pwǎ.)

20 Htodě a hî̌, “Ta̤htě a ǒ kòyò sò̌phlǒkû dě a hǎhtò̌ toǒ numî̌ ama̤ phû̌mò̤pwǎ nû̌û. 21 Ta̤htě a ǒ dě kòyò sò̌phlǒkû hǎhtò̌ toǒ numî̌ mî̌pwǎ ta̤gènè̤ phû̌mò̤shî̌hto toǒ, cû̌sǔnṳ mamǔmakhû ǒpelesesǎ, ǎhǔǎkě, ma̤si kòyò, cû̌sǔnṳ kòphû̌kòwṳ̂, 22 Ta̤sò̌yṳsò̌bǎtûlû̌ta̤, ta̤sò̌khěkhû̌khwè kò, lòhǎlòhoǎ kòyò, ma̤putupatǎ pî̌lû̌pî̌lè ana̤, sò̌khěkòta̤, pi̤jishǐcǒ kòyò, phî̌dû̌na̤, ma̤ta̤ dě gènè̤ te̤mǎ tò̤. 23 Ta̤ lǒ̤꤮ bò htě awǒtò̤ htǒotoǒnu a ǒ dě kòyò sò̌phlǒkû hǎhtò̌ dě ama̤ phû̌mò̤pwǎ kòyò.”