Mat 11:20-24 | KxfSCKRC | STEP | Běcǎ Ye̤shǔ dǔlṳ dû̌khlo kò ta̤cǒklî̌kî̌ya bǎ wî̤nu toǒ akû pwǎ̤ta asî yò̤lò̤ge asò̌ tò̤ akhû̌akhî, asò̌phlǒ mo̤tò̤ dě a hî̌lîlò̤kè asî,

‏ Matthew 11:20-24

Wî̤ htě a yò̤lò̤ge kû̌kò tò̤ toǒ

(Lǔka 10:13-15)

20 Běcǎ Ye̤shǔ dǔlṳ dû̌khlo kò ta̤cǒklî̌kî̌ya bǎ wî̤nu toǒ akû pwǎ̤ta asî yò̤lò̤ge asò̌ tò̤ akhû̌akhî, asò̌phlǒ mo̤tò̤ dě a hî̌lîlò̤kè asî, 21 “Kǒ Khorasewî̤ ta Betasè̌dawî̤, Cǒmara phlě sî pě. He dè dǔlṳbǐaǒ ta̤cǒklî̌kî̌ya htǒonu dě Turǔwî̤ ta Sidowî̤ ^{▼▼Kòyò ma̤ ta̤phû̌mò̤shî̌hto toǒ ǒplṳ̂ bǎ wî̤nu ginǐ̤wî̤ akû. Wî̤htǒo ginǐ̤wî̤ mî̌ a ǒ dě shidû̌shite̤we̤ htu.} hî̌numî̌, asî glè yò̤lò̤ge yî̤ lǒkho asò̌ dě asî glè kûsǒhtò̌ hǐdopo̤to̤tûphrû dě a hǎnòò̌ tṳ̂wû lǒkho phǎkû hǒ. ^b 22 Pò̤̌ta he hî̌ sî, htû̌꤮ mṳni̤cèrò pě ti̤ni̤nu, Turǔwî̤phû̌ ta Sidowî̤phû̌ htǒotoǒnu, Cǒmara gwèbǎǐkhlo a sî pě. 23 Kǒ꤮ Kaperanòwî̤phû̌ sî꤮, sî gènè̤ lǒkho ta Cǒmara glè bè̌htò̌yî̤to̤ na dě mǒkhû̌ pě na gènè̤ hǐnu ya? A wîlò̤te̤kè na dě ngariǒkû pě. ^cTa̤cǒklî̌kî̌ya htě he dǔlṳ yǎdě nakû htǒotoǒnu, he dè dǔlṳbǐaǒ yǎdě Sò̌dowî̤kû hî̌numî̌ wî̤nu tî̤wî̤ glè ǒ to̤pe tǒ̤khònò̤ hǒ. ^d 24 Pò̤̌ta he hî̌ sî, mṳni̤cèrò pě ti̤ni̤nu, Sò̌dowî̤ htǒonu, Cǒmara gwèbǎǐkhlo ta sî pě.” ^e