Matthew 11:25-27
He glè ǐ sî ta̤ǒkǔ
(Lǔka 10:21-22)
25Bǎnuakha Běcǎ Ye̤shǔ hî̌ Cǒmara, “Kǒ꤮ mǒkhû̌ Běcǎ, hǎkhû̌ Běcǎ, hepha Cǒmara꤮, he hî̌bwǐhî̌sîrî na, ta̤htě na bè̌hǔ bǎ pwa̤sî̌pwa̤jòphû̌ toǒ ta pwa̤kè̌lǎsî̌ya ta̤sî̌jòphû̌ toǒnu, na dǔlṳhtò̌ bǎ yǎta kòyò htě a gènè̤pî̌tî̌ ana̤ lò̤ta phijaû̌phû̌nu toǒǒ akhû̌akhî, he hî̌bwǐhî̌sîrîhtò̌ na. 26Kǒ pha, na sò̌phlǒǒ sò̌phlǒto mè̤mè̤̌ ta a glèbǎ htûhtò̌nò pwǐhè̌o akhû̌akhî, he hî̌bwǐhî̌sîrî mè̤mè̤̌ na. 27“Hepha ǐlò̤bò he ta̤pṳ̂̌꤮ tacǎ hǒ. a Phû̌khû mî̌ ûpènu kò sî̌ya dǐpwǎ̤꤮ tò̤. Sî̌ya pwǎpǒ̤ pha tapwǎ̤꤮ pa. Dě pha mî̌ ûpènu tò̤, sî̌ya pwǎpǒ̤ phû̌khû ta kòyò htě phû̌khû wû̌lǎ nû̌û dě a dǔlṳ bǎ nû̌û pěnu toǒ pwǎ. b
Copyright information for
KxfSCKRC