Mat 13:10-17 | KxfSCKRC | STEP | A khophijaû̌ toǒ hè aǒ dě hègwè nû̌û, “Bǎ na hî̌bǎ ta kòyònu toǒ akha, na cû̌ pwe̤ǐbǎ tǒ̤ asî ta ta̤dǒnè khěkhǒ toǒ ma̤tè?”

a Matěo 25:29; Mǎ̤riko 4:25; Lǔka 8:18, 19:26

‏ Matthew 13:10-17

Yo̤sǎkhěkhǒ a ta̤yè̤lò̤nǎ

(Mǎ̤riko 4:10-12; Lǔka 8:9-10)

10 A khophijaû̌ toǒ hè aǒ dě hègwè nû̌û, “Bǎ na hî̌bǎ ta kòyònu toǒ akha, na cû̌ pwe̤ǐbǎ tǒ̤ asî ta ta̤dǒnè khěkhǒ toǒ ma̤tè?”

11 Běcǎ Ye̤shǔ hî̌shǔ asî, “Cǒmara ǐsî̌yaphlo bǎ sî ta mǒkhû̌ shila̤gakû a ta̤sî̌khû̌sî̌ya htě a bè̌hǔ toǒ pwǎ̤ta a ǐsî̌ya to̤ bǎdǒ asî tò̤. 12 Ma̤tè̤hî̌dě kòyò htě a ǒ ta mǒkhû̌ shila̤gakû awi̤akè̌ a ta̤sî̌khû̌sî̌ya toǒnu Cǒmara ǐ dû̌htò̌po̤ yǎ pě. Kòyò htě a ǒkû̌ ta mǒkhû̌ a shila̤gakû awi̤akè̌ a ta̤sî̌khû̌sî̌ya tò̤ toǒnu, a dè ǒ pwǎ tîkî̌phû̌pwǎ bǎbǎ, Cǒmara phî̌kèbò yǎ pě. ^a 13 Bǎ he hî̌bǎ asî akhanu, he dǒnè bǎ asî ta yo̤sǎkhěkhǒ toǒ, ma̤tè̤hî̌dě

Asî kè̌ pò̤̌ta a kè̌shǐ tò̤. Asî gana̤de pò̤̌ta a sî̌ya tò̤.

14 Pwa̤po̤ Isaǐa pwe̤ǐnǎ ta̤hî̌bǎnu a lǒhtò̌behtò̌ ta asî htǒonu hǒ. Dě a pwe̤ǐnǎ ta,

‘Sî gana̤dehto gana̤desǒ pwǎ̤ta sî sî̌yaphlo amûasǎ dǐmû̌꤮ tò̤, sî kè̌shǐhto kè̌shǐsǒsǒ pò̤̌ta sî kè̌shǐsî̌yaphlo amûasǎ dǐmû̌꤮ pě tò̤. ^b 15 Ma̤tè̤hî̌dě kòyò htǒotoǒ mî̌ a hǐkǒshò̌, asî nò̌kulǎ ǒ pwǎ̤ta a gana̤dephlo tò̤, asî pobǒbǐ ami̤sǎ ma̤tè̤hî̌dě asî sò̌yṳ kè̌shǐ ta̤te̤ta̤mǎ tò̤. Asî dè ma̤ lǒkho hǐnutò̤ hî̌dě asî kè̌shǐ ta ami̤sǎ pě, a gana̤dephlo he hî̌ htǒotoǒ pě, a gènè̤phlo sî̌yawǒ lǒkho pě, a yò̤lò̤ge lǒkho asò̌ pě, dě he ma̤hǎmǎ bǎ asî pě.’ ^c

16 Pò̤̌ta sî htǒotoǒnu, sîmi̤sǎ kè̌shǐ ta̤, sînò̌ku gana̤de ta̤ akhû̌akhî, sî glè nî̤bǎ ta̤howi̤. ^d 17 Ma̤tè̤hî̌dě, he hî̌ mè̤mè̤̌ sî, pwa̤po̤ ta kòcǒkòtè̤ saprṳ̂ toǒ sò̌yṳ kè̌shǐkû̌ lǒkho ta̤htě sî kè̌shǐ htǒotoǒ pò̤̌ta asî kè̌shǐbǎ kû̌kò tò̤. Htohǒtò̤ asî sò̌yṳ gana̤dekû̌ lǒkho ta̤htě sî gana̤denu toǒ pò̤̌ta asî gana̤debǎ kû̌kò tò̤.