Matthew 22:34-40
Ta̤mǎlò̤ htě a lo̤bǎdû̌khlo kò
(Mǎ̤riko 12:28-34; Lǔka 10:25-28)
34Pharisè̌phû̌ toǒ gana̤de ta Sadugè̌phû̌ toǒ hî̌geshǔ Běcǎ Ye̤shǔ dǐmû̌꤮ tò̤, dě Pharisè̌phû̌ toǒ kaǎplǒ kè̌khînû̌û. 35Dě asî klanu, a sî̌ya lǒbekhlo Yṳ̌daphû̌ a ta̤sû̌ta̤tòwònu a ǒtapwa̤ dě a hè gwèkhǒ Běcǎ Ye̤shǔ, 36“Sara, ta̤mǎlò̤ a ta̤sû̌ta̤tòwò akla htǒotoǒ numî̌ bǎtè tûmû dě a lo̤bǎdû̌khlo ya?” 37Běcǎ hî̌shǔ gesǒ, “‘Mo̤ǐ lǒ̤sû̌lǒ̤sò̌ sî Cǒmara ta sî sò̌phlǒ tamabò, mo̤ǐ lǒ̤sû̌lǒ̤sò̌ a ta sî ta̤ǒhtûpwa̤ lǒ̤꤮ bò, mo̤ǐ lǒ̤sû̌lǒ̤sò̌ a ta sî ta̤gènè̤ lǒ̤꤮ bò.’ a 38Htǒomî̌ ta̤mǎlò̤ htě a lo̤bǎdû̌khlo tûmû hǒ. 39Ginǐ̤mûtûmû mî̌, alò̤ta awǐnu tûmû, ‘Mo̤ǐ kòyò htě a ǒphǔ ta sînu toǒ pwǐ sî mo̤ǐlò̤ sîna̤nu.’ b 40Lǒ̤꤮ bò Mǒ̤jè ta pwa̤po̤ sîtoǒ a ta̤sû̌ta̤tòwò a kòshî̌kòtṳ toǒnu a gètè̤htò̌bò ta ta̤mǎlò̤ htǒoginǐ̤mû alo̤ pwǎ.” c
Copyright information for
KxfSCKRC