Matthew 22:41-46
Mè̤shǐa mî̌ ûpè akhlialè ya?
(Mǎ̤riko 12:35-37; Lǔka 20:41-44)
41Bǎ Pharisè̌phû̌ cû̌ ǒhtuhî̌bǎplǒbò nû̌û akhanu, Běcǎ Ye̤shǔ gwè asî, 42“Khrî̌stu htě a ma̤lû̌htò̌ge kò htǒotapwa̤ awi̤akè̌nu, sî gènè̤ nû̌û hî̌tè? Akhlialè gilò̤ ta ûpè ǒ?” Dě asî hî̌shǔ, “Khwǐdǎ̤wi̤ akhlialè.” 43Dě a hî̌ asî, “Dè ma̤hǐnudě mî̌ma̤tè̤dě Běcǎ sǎcahtǐ htû̌bǎ Dǎ̤wi̤ sò̌phlǒ dě a cû̌no kaǎtǒ̤ Khrî̌stu htǒonu ta, ‘Běcǎ’ ma̤tè? Ma̤tè̤hî̌dě a cû̌hî̌ tǒ̤ ta, 44‘Běcǎ Cǒmara hî̌ he Běcǎ ta, “Bǎ he ma̤pè̤ bòmṳ̂sîglî kòyò htě a sò̌khě ▼▼Khuwè̤
nanu toǒ dě he bè̌ǒbò asî dě na khǎlǎla̤ hǒtò̤nu, hǎnòò̌ dě he cǔdemû htǒotokho.”’ b 45Dě Khwǐdǎ̤wi̤ dè kaǎ nû̌û ta, ‘Běcǎ’ dèhî̌dě a cû̌ htûjò Khwǐdǎ̤wi̤ aphû̌khû hî̌tè?” 46Kò hî̌shǔ gejòpe nû̌û dǐpwǎ̤꤮ tò̤. Sahtò̌ hènè bǎnu ti̤ni̤nu kò gwèbǔpe nû̌û dǐpwǎ̤꤮ tò̤.
Copyright information for
KxfSCKRC