Mat 24:45-51 | KxfSCKRC | STEP | Jûphû̌ htě acǒatè̤ ta a phlophǎ tapwa̤mî̌ ûpènuya? Jûphû̌ htě acǒatè̤ tapwa̤ mè̤mè̤̌mî̌ aběcǎ ǐlò̤ nû̌û ta̤ma̤ dě a bǎ kè̌ǐkhwè̌ǐ bǔǎbǔo jûphû̌ ahǔwa̤toǒ dě acǔdekû ta a bǔǎ tokhîtokha asî htǒotapwa̤nu hǒ.

‏ Matthew 24:45-51

Jûphû̌ htě acǒtè̤ ta ayo̤ ta jûphû̌ htě acǒtè̤ ta ayo̤ tò̤

(Lǔka 12:35-48)

45 Jûphû̌ htě acǒatè̤ ta a phlophǎ tapwa̤mî̌ ûpènuya? Jûphû̌ htě acǒatè̤ tapwa̤ mè̤mè̤̌mî̌ aběcǎ ǐlò̤ nû̌û ta̤ma̤ dě a bǎ kè̌ǐkhwè̌ǐ bǔǎbǔo jûphû̌ ahǔwa̤toǒ dě acǔdekû ta a bǔǎ tokhîtokha asî htǒotapwa̤nu hǒ. 46 Aběcǎ dè ge kè̌shǐ ta a jûphû̌ hǐkǒdû̌ htǒotapwa̤ ma̤ ta̤ma̤ dèhî̌dě a ǐ nû̌û ta̤ma̤khû̌kǎ pě. 47 He hî̌ mè̤mè̤̌꤮ sî, Běcǎ htǒotapwa̤ a ta̤kî̌ta̤kû̌ lǒ̤꤮ bònu a ǐlò̤bò nû̌û cǔdekû pě dě a nokè̌ǐkhwè̌ǐ nû̌û pě. 48 Pwǎ̤tadě hî̌mò̌ jûphû̌ htě ajî tapwa̤nu, a dè gènè̤ ta, heběcǎ gelǎ pwǎ hǒtò̤, a gènè̤ dě, 49 A guphlěgupo̤, pè̤ǎpè̤o jûphû̌ ahǔwa̤ toǒ pě, dě a ǎmṳopǒ kû̌ta kòyò la̤klo ǎmṳǒpǒ toǒ pě. 50 Dě khîkha bǎ a gènè̤ to̤tò̤ dě a ǎoshope̤ ti̤ni̤nu, aběcǎ geto̤sǒ bǎnu ti̤ni̤ pě. 51 Aběcǎ cèròjî cèròjû nû̌û pě dě a bè̌nṳ dǒkè nû̌û bǎ kòyò jîcǒjîtè̤ ana̤nu toǒ la̤ǒ agûla̤nu pě. Gûla̤ bǎnu tò̤glònu kò guhǎguwo, kò ěgwî kòkhû̌khi pě.