Matthew 5:38-48
Ma̤geshǔali̤
(Lǔka 6:29-30)
38“Sî gana̤dehto tû̌ kò hî̌ ta, ‘Kòyò tapwa̤pwa̤ dè ma̤la takǎ kòmi̤sǎnu, kò bǎ ma̤lageshǔ ami̤sǎ. Htodě a dè ma̤la̤ga takǎ kòkhû̌khinu, kò bǎ ma̤la̤gageshǔ akhû̌khi.’ a 39Pwǎ̤ta he hî̌ sî, ma̤shǔ gesǒ pû kòyòkhu kòyòhînu tapwa̤ ma̤. A dè pla̤ sî nò̌shî̌ cǔdemû tokho dè hî̌dě ǐ pla̤po̤ yǎ cǔcocî̌nu tokho. 40Kòyò tapwa̤pwa̤ dè hî̌ sî ta sî ma̤sǔ yǎ, dě a dè kwiplě sî ta hǐdo tṳpṳ dě pwa̤cèrò alo̤mo̤ dèhî̌dě ǐpo̤ yǎ ta sî hǐdokhlodû̌nu. 41Kòyò htě a pè̤ǎpè̤o sî dě a noò̌cû̌ sî ta̤kî̌ta̤kû̌ tè̤mè̤nu, ò̌cû̌ bǎ a ginǐ̤mè̤nu. ▼▼Mè̤ mî̌ a gunò̤ ta akhlî 880
42Kòyò htě a kwi sî tapwa̤pwa̤nu, ǐpa̤ yǎ. Kòyò htě a kwibǒkwilo̤ sînu, ǐbǒǐlo̤pa̤ yǎ nî̌꤮.” Mo̤ǐ kòyò htě a sò̌khě sînu toǒ
(Lǔka 6:27-28, 6:32-36)
43“Sî gana̤dehto tû̌ kò hî̌ ta, ‘Mo̤ǐ nasû̌nakho dě khû̌khwè kòyò htě a sò̌khě nanu.’ c 44Pò̤̌ta he hî̌ sî, mo̤ǐ lǒkho kòyò htě a sò̌khě sînu toǒ dě kwisaba bǎ kòyò htě a ma̤jîma̤jû sînu toǒ. 45Sî dè mo̤ǐ kò hǐnu dèhî̌dě sî mî̌ pha Cǒmara dě mǒkhû̌ tapwa̤ a phû̌mǔphû̌khû sîtoǒ hǒ, ma̤tè̤hî̌dě, kòyòkhu kòyòhî toǒ bǎbǎ, kòyò wǒ toǒ bǎbǎ, Cǒmara nohtò̌pwǎ lṳmṳ tabǎ pa. Kòyòcǒkòyòtè̤ toǒ bǎbǎ, kòyò cǒtè̤tò̤ toǒ bǎbǎ, Cǒmara nojulò̤ khwè̌nu mî̌ a sǒsǒpwǎ nû̌û. 46Sî dè mo̤ǐ pwǎpǒ̤ kòyò htě amo̤ǐ sînu toǒ pwǎ dèhî̌dě Cǒmara ǐ sî ta̤ma̤khû̌kǎ tò̤. Dè ma̤pwǎ hǐnu hî̌dě pwa̤kwita̤kûta̤cî̌ toǒ mî̌ a ma̤jòpwǎpwǎ. 47Sî dè hî̌mo̤hî̌wǒshǔ pwǎpǒ̤ sîpṳsîwè̤ dèhî̌dě, akhǒawa̤ to̤ pwî̌tè? Kòyò htě a yṳǎna̤ǎ kû̌kò Cǒmara tò̤ toǒ pwǐ sî ma̤nu mî̌ a ma̤jòpwǎ mè̤tò̤ya? 48Ma̤hǐnudě, pwǐ sîpha dě mǒkhû̌ htǒotapwa̤ a lǒbewǒnu, lǒbewǒ sǒsǒta anu nî̌.” d
Copyright information for
KxfSCKRC