Mat 9:14-17 | KxfSCKRC | STEP | Htodě pwa̤ploshi Jowǎ̤ni̤ akhophijaû̌ toǒ hè Běcǎ Ye̤shǔ a ǒ dě a hè gwè nû̌û, “Pa ta Pharisè̌phû̌ toǒnu, pa dǔǎshǎ, pwǎ̤ta nakhophijaû̌ toǒnu a dǔǎ kû̌kò shǎ tò̤ ma̤tè?”

‏ Matthew 9:14-17

Kògwè dǔǎshǎ awi̤akè̌

(Mǎ̤riko 2:18-22; Lǔka 5:33-39)

14 Htodě pwa̤ploshi Jowǎ̤ni̤ akhophijaû̌ toǒ hè Běcǎ Ye̤shǔ a ǒ dě a hè gwè nû̌û, “Pa ta Pharisè̌phû̌ toǒnu, pa dǔǎshǎ, pwǎ̤ta nakhophijaû̌ toǒnu a dǔǎ kû̌kò shǎ tò̤ ma̤tè?”

15 Běcǎ Ye̤shǔ hî̌shǔ asî ta yo̤sǎkhěkhǒ tûmû dě a hî̌, “Bǎ khòmò̤makhû ǒhtukû̌pe ta akho shǐpwa̤shǐmè̤ akhanu, a khoshǐpwa̤shǐmè̤ htǒotoǒ cû̌sǎpla̤jò hî̌tè? Pò̤̌ta htû̌꤮ khîkha hèto̤ ta kò kaǎcû̌ tephekè khòmò̤makhû pě akhanu, asî dǔǎdǔo lǒkho pě.

16 “Kò shò̌phabǐ hǔgòpwî̌li̤ ta hǔgòpwî̌sa dě a sutǔ hǒtò̤ toǒnu a ǒ dǐpwǎ̤꤮ tò̤, ma̤tè̤hî̌dě dè shò̌phabǐ hî̌nu hǔgòpwî̌sahtǒo a cǐsutǔkè dě atǐ̤ htò̌lè̌lè̤po̤ hǔgòpwî̌li̤htǒo pě. 17 Kòyò yṳnṳ sobîshisî̌yo̤sa dě shiophěko li̤kûnu a ǒ dǐpwǎ̤꤮ tò̤. Kò dè yṳnṳ hǐnu hî̌dě, shiophě po̤phò̌ dě sobîshisî̌yo̤ lò̤gukèbò pě. Htohǒtò̤ shiophěko htò̌phò̌kè pě. Hǐnudě kò yṳnṳ pwǎ sobîshisî̌yo̤ asa htǒonu dě shiosa akû pwǎ. Dè ma̤hǐnu hî̌dě sobîshisî̌yo̤ bǎbǎ, shiophě bǎbǎ, a pî̌pe tò̤.”