Psa 64 | LXX | STEP | Εἰς τὸ τέλος· ψαλμὸς τῷ Δαυιδ. Εἰσάκουσον, ὁ θεός, τῆς φωνῆς μου. ἐν τῷ δέεσθαί με, ἀπὸ φόβου ἐχθροῦ ἐξελοῦ τὴν ψυχήν μου

‏ Psalms 64

1 ^{▼▼LXX: Psa.63:1}Εἰς τὸ τέλος· ψαλμὸς τῷ Δαυιδ. ^{▼▼LXX: Psa.63:2}Εἰσάκουσον, ὁ θεός, τῆς φωνῆς μου. ἐν τῷ δέεσθαί με, ἀπὸ φόβου ἐχθροῦ ἐξελοῦ τὴν ψυχήν μου 2 ^{▼▼LXX: Psa.63:3}ἐσκέπασάς με ἀπὸ συστροφῆς πονηρευομένων, ἀπὸ πλήθους ἐργαζομένων τὴν ἀνομίαν, 3 ^{▼▼LXX: Psa.63:4}οἵτινες ἠκόνησαν ὡς ῥομφαίαν τὰς γλώσσας αὐτῶν, ἐνέτειναν τόξον αὐτῶν πρᾶγμα πικρὸν 4 ^{▼▼LXX: Psa.63:5}τοῦ κατατοξεῦσαι ἐν ἀποκρύφοις ἄμωμον, ἐξάπινα κατατοξεύσουσιν αὐτὸν καὶ οὐ φοβηθήσονται. 5 ^{▼▼LXX: Psa.63:6}ἐκραταίωσαν ἑαυτοῖς λόγον πονηρόν, διηγήσαντο τοῦ κρύψαι παγίδας· εἶπαν Τίς ὄψεται αὐτούς; 6 ^{▼▼LXX: Psa.63:7}ἐξηρεύνησαν ἀνομίας, ἐξέλιπον ἐξερευνῶντες ἐξερευνήσει. προσελεύσεται ἄνθρωπος, καὶ καρδία βαθεῖα, 7 ^{▼▼LXX: Psa.63:8}καὶ ὑψωθήσεται ὁ θεός. βέλος νηπίων ἐγενήθησαν αἱ πληγαὶ αὐτῶν, 8 ^{▼▼LXX: Psa.63:9}καὶ ἐξησθένησαν ἐπ' αὐτοὺς αἱ γλῶσσαι αὐτῶν. ἐταράχθησαν πάντες οἱ θεωροῦντες αὐτούς, 9 ^{▼▼LXX: Psa.63:10}καὶ ἐφοβήθη πᾶς ἄνθρωπος. καὶ ἀνήγγειλαν τὰ ἔργα τοῦ θεοῦ καὶ τὰ ποιήματα αὐτοῦ συνῆκαν. 10 ^{▼▼LXX: Psa.63:11}εὐφρανθήσεται δίκαιος ἐπὶ τῷ κυρίῳ καὶ ἐλπιεῖ ἐπ' αὐτόν, καὶ ἐπαινεσθήσονται πάντες οἱ εὐθεῖς τῇ καρδίᾳ.