Psa 96 | LXX | STEP | Ὅτε ὁ οἶκος ᾠκοδομεῖτο μετὰ τὴν αιχμαλωσιαν ᾠδὴ τῷ Δαυιδ. ᾄσατε τῷ κυρίῳ ᾆσμα καινόν, ασατε τῷ κυρίῳ, πᾶσα ἡ γῆ·

‏ Psalms 96

1 ^{▼▼LXX: Psa.95:1}Ὅτε ὁ οἶκος ᾠκοδομεῖτο μετὰ τὴν αιχμαλωσιαν ᾠδὴ τῷ Δαυιδ. ᾄσατε τῷ κυρίῳ ᾆσμα καινόν, ασατε τῷ κυρίῳ, πᾶσα ἡ γῆ· 2 ^{▼▼LXX: Psa.95:2}ᾄσατε τῷ κυρίῳ, εὐλογήσατε τὸ ὄνομα αὐτοῦ, εὐαγγελίζεσθε ἡμέραν ἐξ ἡμέρας τὸ σωτήριον αὐτοῦ· 3 ^{▼▼LXX: Psa.95:3}ἀναγγείλατε ἐν τοῖς ἔθνεσιν τὴν δόξαν αὐτοῦ, ἐν πᾶσι τοῖς λαοῖς τὰ θαυμάσια αὐτοῦ. 4 ^{▼▼LXX: Psa.95:4}ὅτι μέγας κύριος καὶ αἰνετὸς σφόδρα, φοβερός ἐστιν ἐπὶ πάντας τοὺς θεούς· 5 ^{▼▼LXX: Psa.95:5}ὅτι πάντες οἱ θεοὶ τῶν ἐθνῶν δαιμόνια, ὁ δὲ κύριος τοὺς οὐρανοὺς ἐποίησεν· 6 ^{▼▼LXX: Psa.95:6}ἐξομολόγησις καὶ ὡραιότης ἐνώπιον αὐτοῦ, ἁγιωσύνη καὶ μεγαλοπρέπεια ἐν τῷ ἁγιάσματι αὐτοῦ. 7 ^{▼▼LXX: Psa.95:7}ἐνέγκατε τῷ κυρίῳ, αἱ πατριαὶ τῶν ἐθνῶν, ἐνέγκατε τῷ κυρίῳ δόξαν καὶ τιμήν· 8 ^{▼▼LXX: Psa.95:8}ἐνέγκατε τῷ κυρίῳ δόξαν ὀνόματι αὐτοῦ, ἄρατε θυσίας καὶ εἰσπορεύεσθε εἰς τὰς αὐλὰς αὐτοῦ· 9 ^{▼▼LXX: Psa.95:9}προσκυνήσατε τῷ κυρίῳ ἐν αὐλῇ ἁγίᾳ αὐτοῦ, σαλευθήτω ἀπὸ προσώπου αὐτοῦ πᾶσα ἡ γῆ. 10 ^{▼▼LXX: Psa.95:10}εἴπατε ἐν τοῖς ἔθνεσιν Ὁ κύριος ἐβασίλευσεν, καὶ γὰρ κατώρθωσεν τὴν οἰκουμένην, ἥτις οὐ σαλευθήσεται, κρινεῖ λαοὺς ἐν εὐθύτητι. 11 ^{▼▼LXX: Psa.95:11}εὐφραινέσθωσαν οἱ οὐρανοί, καὶ ἀγαλλιάσθω ἡ γῆ, σαλευθήτω ἡ θάλασσα καὶ τὸ πλήρωμα αὐτῆς· 12 ^{▼▼LXX: Psa.95:12}χαρήσεται τὰ πεδία καὶ πάντα τὰ ἐν αὐτοῖς, τότε ἀγαλλιάσονται πάντα τὰ ξύλα τοῦ δρυμοῦ 13 ^{▼▼LXX: Psa.95:13}πρὸ προσώπου κυρίου, ὅτι ἔρχεται, ὅτι ἔρχεται κρῖναι τὴν γῆν· κρινεῖ τὴν οἰκουμένην ἐν δικαιοσύνῃ καὶ λαοὺς ἐν τῇ ἀληθείᾳ αὐτοῦ.