Gen 32 | LinMNB | STEP | Na tongo-tongo ya mokolo oyo elandaki, Labani apesaki bakoko na ye mpe bana na ye ya basi beze ; apambolaki bango mpe azongaki na ndako na ye.

‏ Genesis 32

Jakobi abangi kokutana na Ezawu

1 ^{▼▼31:55 in most Bibles.} Na tongo-tongo ya mokolo oyo elandaki, Labani apesaki bakoko na ye mpe bana na ye ya basi beze ; apambolaki bango mpe azongaki na ndako na ye. 2 ^{▼▼32:1 in most Bibles.} Wana Jakobi azalaki kokoba mobembo na ye, ba-anjelu ya Nzambe bayaki kokutana na ye. 3 ^{▼▼32:2 in most Bibles.} Tango Jakobi amonaki bango, alobaki : « Oyo ezali molako ya Nzambe ! » Mpe abengaki esika yango : Maanayimi ^{▼▼Maanayimi elingi koloba : milako mibale.}.

4 ^{▼▼32:3 in most Bibles.} Jakobi atindaki bantoma liboso na ye epai ya Ezawu, ndeko na ye, na mokili ya Seiri, kati na zamba ya Edomi. 5 ^{▼▼32:4 in most Bibles.} Apesaki bango malako oyo : « Tala makambo oyo bokoloba epai ya nkolo na ngai Ezawu : ‹ Mosali na yo Jakobi alobi : ‘ Navandaki epai ya Labani mpe natikalaki kuna kino sik’oyo. 6 ^{▼▼32:5 in most Bibles.} Nazali na bangombe, ba-ane, bameme, bantaba, basali ya mibali mpe ya basi ; natindi sango oyo epai ya nkolo na ngai mpo ete nazwa ngolu na miso na ye. ’ › »

7 ^{▼▼32:6 in most Bibles.} Tango bantoma bazongaki epai ya Jakobi, balobaki : « Tokendeki epai ya Ezawu, ndeko na yo, mpe sik’oyo azali koya elongo na bato nkama minei mpo na kokutana na yo. »

8 ^{▼▼32:7 in most Bibles.} Na kobanga makasi mpe na komitungisa, Jakobi akabolaki bato oyo bazalaki elongo na ye na masanga mibale ; ndenge moko mpe mpo na bameme, bantaba mpe bashamo. 9 ^{▼▼32:8 in most Bibles.} Azalaki komilobela : « Soki Ezawu abundisi lisanga moko, lisanga oyo etikali ekoki kokima. »

10 ^{▼▼32:9 in most Bibles.} Sima, Jakobi abondelaki : « Oh Nzambe ya Abrayami, tata na ngai ! Nzambe ya Izaki, tata na ngai ! Oh Yawe, Yo oyo olobaki na ngai : ‹ Zonga na mokili na yo, na libota na yo, mpe Ngai nakosalela yo bolamu. › 11 ^{▼▼32:10 in most Bibles.} Nazali nani mpo ete otalisa ngai mosali na Yo bolamu mpe bosembo nyonso oyo ! Nazalaki kaka na lingenda tango nakatisaki Yordani, kasi sik’oyo nazali na masanga mibale. 12 ^{▼▼32:11 in most Bibles.} Nabondeli Yo, kangola ngai na maboko ya ndeko na ngai, Ezawu, pamba te nazali kobanga ete aya kobundisa ngai elongo na bamama mpe bana na bango. 13 ^{▼▼32:12 in most Bibles.} Nzokande, Yo olobaki na ngai : ‹ Ya solo nakosalela yo bolamu mpe nakokomisa bakitani na yo ebele lokola zelo ya ebale monene, oyo moto moko te akoki kotanga. › »

14 ^{▼▼32:13 in most Bibles.} Jakobi alekisaki butu na esika wana. Kati na biloko oyo azalaki na yango, aponaki kado mpo na Ezawu, ndeko na ye : 15 ^{▼▼32:14 in most Bibles.} bantaba ya basi nkama mibale mpe bantaba ya mibali tuku mibale, bameme ya basi nkama mibale mpe bameme ya mibali tuku mibale, 16 ^{▼▼32:15 in most Bibles.} shamo ya basi tuku misato elongo na bana na yango, bangombe ya basi tuku minei mpe bangombe ya mibali zomi, ba-ane ya basi tuku mibale mpe ya mibali zomi. 17 ^{▼▼32:16 in most Bibles.} Akabolaki yango na bitonga mpe apesaki yango epai ya basali na ye. Alobaki na bango : « Boleka liboso na ngai mpe botia etonga moko mosika na mosusu. »

18 ^{▼▼32:17 in most Bibles.} Jakobi apesaki mitindo oyo epai ya mosali na ye ya liboso : « Tango Ezawu, ndeko na ngai, akokutana na yo mpe akotuna yo : ‹ Yo ozali mosali ya nani, ozali kokende wapi mpe nani nkolo ya banyama nyonso oyo ezali liboso na yo ? › 19 ^{▼▼32:18 in most Bibles.} Okozongisa : ‹ Ezali ya Jakobi, mosali na yo, ezali kado oyo atindeli nkolo na ngai Ezawu. Mpe tala ye moko azali koya sima na biso. › »

20 ^{▼▼32:19 in most Bibles.} Apesaki lisusu mitindo wana epai ya mosali ya mibale, ya misato mpe epai ya basali nyonso oyo bazalaki kolanda bibwele : « Bokoloba kaka maloba moko tango bokokutana na Ezawu. 21 ^{▼▼32:20 in most Bibles.} Bokoyebisa ye lisusu : ‹ Tala ye moko Jakobi, mosali na yo, azali koya na sima na biso ! › » Pamba te azalaki komilobela : « Nakokitisa kanda na ye na kado oyo natindi liboso na ngai ; sima tango nakokutana na ye, mbala mosusu akoyamba ngai malamu. »

22 ^{▼▼32:21 in most Bibles.} Boye kado ya Jakobi ekendeki liboso, kasi ye moko alekisaki butu kati na Molako.

Jakobi abundi na Nzambe

23 ^{▼▼32:22 in most Bibles.} Na butu wana, Jakobi alamukaki, azwaki basi na ye mibale, basali na ye mibale ya basi, bana na ye zomi na moko mpe akatisaki mayi ya Yaboki. 24 ^{▼▼32:23 in most Bibles.} Sima na kokatisa bango mayi, akatisaki mpe biloko na ye nyonso. 25 ^{▼▼32:24 in most Bibles.} Jakobi atikalaki kaka ye moko. Bongo moto moko abundaki na ye kino tango tongo elingaki kotana. 26 ^{▼▼32:25 in most Bibles.} Wana moto yango amonaki ete akoki kolonga Jakobi te, abetaki Jakobi na loketo mpe mokuwa ya loketo na ye ebukanaki tango bazalaki kobunda. 27 ^{▼▼32:26 in most Bibles.} Sima, moto yango alobaki : — Tika ngai nakende, pamba te tongo elingi kotana.

Kasi Jakobi azongisaki : — Nakotika yo te kokende soki opamboli ngai te.

28 ^{▼▼32:27 in most Bibles.} Moto yango atunaki Jakobi : — Kombo na yo nani ?

Jakobi azongisaki : — Kombo na ngai ezali Jakobi.

29 ^{▼▼32:28 in most Bibles.} Moto yango alobaki lisusu : — Kobanda lelo, kombo na yo ekozala lisusu Jakobi te, kasi Isalaele, pamba te obundi na Nzambe mpe na bato, bongo olongi.

30 ^{▼▼32:29 in most Bibles.} Jakobi alobaki : — Nabondeli yo, yebisa ngai kombo na yo.

Azongiselaki ye : — Mpo na nini ozali kotuna kombo na ngai ?

Boye apambolaki ye na esika wana. 31 ^{▼▼32:30 in most Bibles.} Jakobi abengaki esika yango « Penieli, » pamba te alobaki : « Namoni Nzambe na miso na ngai, mpe bomoi na ngai ebiki. »

32 ^{▼▼32:31 in most Bibles.} Tango moyi ebimaki, Jakobi alekaki Penueli. Azalaki kotambola tengu-tengu mpo na loketo na ye. 33 ^{▼▼32:32 in most Bibles.} Yango wana kino lelo, bana ya Isalaele baliaka mosuni ya mopende te, pamba te Nzambe abetaki Jakobi na mosuni oyo ekangami na mokuwa ya loketo.