Hos 12 | LinMNB | STEP | Efrayimi azingeli Ngai na lokuta, mpe libota ya Isalaele, na kokosa ; kasi Yuda azali nanu kotambola elongo na Nzambe, elongo na Mosantu ya solo.

‏ Hosea 12

Kozonga epai na Yawe : nzela ya lobiko

Masumu ya Isalaele

1 ^{▼▼11:12 in most Bibles.} Efrayimi azingeli Ngai na lokuta,
mpe libota ya Isalaele, na kokosa ;
kasi Yuda azali nanu kotambola elongo na Nzambe,
elongo na Mosantu ya solo.
2 ^{▼▼12:1 in most Bibles.} Efrayimi aliaka mopepe ;
mikolo nyonso, alandaka mopepe ya este ;
mosala na ye kokosa mpe kosala bato mabe.
Asalaka boyokani elongo na Asiri
mpe atindaka mafuta ya olive na Ejipito.
3 ^{▼▼12:2 in most Bibles.} Yawe alingi kosamba na Yuda ;
akopesa Jakobi etumbu kolanda etamboli na ye
mpe akofuta ye kolanda misala na ye.
4 ^{▼▼12:3 in most Bibles.} Na libumu ya mama na bango,
akangaki ndeko na ye ya mobali na litambe ;
tango akomaki mokolo, abundaki na Nzambe.
5 ^{▼▼12:4 in most Bibles.} Abundaki na anjelu mpe alongaki,
alelaki mpe asengaki ngolu na ye.
Jakobi akutanaki na ye na Beteli,
mpe ezali kuna nde asololaki na ye.
6 ^{▼▼12:5 in most Bibles.} Yawe Nzambe, Mokonzi ya mampinga,
Kombo na Ye ya lokumu ezali Yawe.

7 ^{▼▼12:6 in most Bibles.} Kasi yo, osengeli kozonga epai ya Nzambe na yo ;
batela bolingo mpe bosembo
mpe tia tango nyonso elikya na Nzambe na yo.
8 ^{▼▼12:7 in most Bibles.} Bato ya Kanana basalelaka
emekelo kilo ya lokuta,
balingaka kaka kokosa.

9 ^{▼▼12:8 in most Bibles.} Efrayimi alobaka na lolendo nyonso :
« Ngai nazali mozwi, nakomi na bozwi mingi.
Na mosala na Ngai nyonso, bakotikala komona Ngai
na mbeba ata moko te oyo bakoki kobenga lisumu. »

10 ^{▼▼12:9 in most Bibles.} Nazali Yawe, Nzambe na yo,
oyo abimisaki yo wuta na Ejipito ;
nakosala ete ovanda lisusu na se ya bandako ya kapo
lokola na mikolo ya bafeti na yo, oyo ekatama.
11 ^{▼▼12:10 in most Bibles.} Nalobaki na nzela ya basakoli,
napesaki bango bimoniseli ebele
mpe nalobaki na masese na nzela na bango.
12 ^{▼▼12:11 in most Bibles.} Lokola Galadi etondi na mabe,
ekokoma eloko pamba
mpo ete bato na yango babonzaki
bangombe ya mibali na Giligali ;
mpe bitumbelo na bango ekobukama
mpe ekokoma mipiku ya mabanga
kati na banzela ya mikala ya bilanga.
13 ^{▼▼12:12 in most Bibles.} Jakobi akimaki na mokili ya Siri ;
Isalaele asalaki mosala mpo na kozwa mwasi ;
mpe mpo na kobala mwasi yango,
andimaki kokoma mobateli bibwele.
14 ^{▼▼12:13 in most Bibles.} Yawe asalelaki mosakoli
mpo na kobimisa Isalaele wuta na Ejipito,
abatelaki ye na nzela ya mosakoli.

15 ^{▼▼12:14 in most Bibles.} Kasi Efrayimi atumbolaki kanda na Ye makasi,
yango wana, Nkolo na ye akotangela ye
ngambo ya makila oyo asopaki
mpe akofuta ye kolanda mabe na ye.