Luk 23:50-55 | LinMNB | STEP | Moto moko kombo na ye Zozefi, azalaki moto ya likita ya Bayuda ; ye azalaki moto malamu mpe moto na sembo.

‏ Luke 23:50-55

50 Moto moko kombo na ye Zozefi, azalaki moto ya likita ya Bayuda ; ye azalaki moto malamu mpe moto na sembo. 51 Aboyaki mokano ya bampaka mosusu ya likita mpe makambo oyo basalaki. Azalaki moto ya Alimateo : vile ya Yudea, mpe azalaki kozela bokonzi ya Nzambe. 52 Akendaki kosenga nzoto ya Yesu epai ya Pilato. 53 Akitisaki yango na ekulusu, alingaki yango na dra ya lino, mpe atiaki yango na lilita moko oyo batimolaki na kati ya libanga ; mpe moto ata moko te naino akundamaki na yango. 54 Ezalaki Mokolo ya komilengela, mpe saba elingaki kobanda. 55 Basi oyo bayaki na Yesu wuta na Galileya balandaki Zozefi, batalaki lilita mpe bamonaki ndenge batiaki nzoto ya Yesu.