Psa 102 | LinMNB | STEP | Libondeli ya moto na pasi, oyo abungisi elikya mpe azali kolela liboso ya Yawe.

‏ Psalms 102

Libondeli ya moto na pasi

1 ^{▼▼102:1 in some Bibles.} Libondeli ya moto na pasi, oyo abungisi elikya mpe azali kolela liboso ya Yawe.

2 ^{▼▼102:1 in most Bibles.} Yawe, yoka libondeli na ngai !
Tika ete koganga na ngai ekoma kino epai na Yo !
3 ^{▼▼102:2 in most Bibles.} Kobombela ngai elongi na Yo te,
wana nazali na pasi.
Yoka libondeli na ngai
na mokolo oyo nazali kobelela Yo ;
yanola ngai noki !

4 ^{▼▼102:3 in most Bibles.} Pamba te mikolo ya bomoi na ngai ezali kolimwa
lokola molinga,
mikuwa na ngai ezali kozika
lokola makala ya moto.
5 ^{▼▼102:4 in most Bibles.} Motema na ngai ebungisi elikya
mpe ezali komitungisa lokola matiti oyo bakati ;
mpo na yango, nakomi ata kobosana
kolia bilei na ngai.
6 ^{▼▼102:5 in most Bibles.} Mpo ete naleli makasi,
natikali kaka na poso ya nzoto likolo ya mikuwa.

7 ^{▼▼102:6 in most Bibles.} Nakomi lokola esulungutu ya esobe,
lokola esulungutu ya bisika oyo ebeba.
8 ^{▼▼102:7 in most Bibles.} Pongi ekimi ngai ;
nakomi lokola ndeke oyo etikali yango moko
na likolo ya ndako.

9 ^{▼▼102:8 in most Bibles.} Banguna na ngai batombokeli ngai,
bazali kofinga ngai tango nyonso
mpe bazali kosalela kombo na ngai
mpo na kolakela bato mabe.
10 ^{▼▼102:9 in most Bibles.} Nakomi kolia putulu na esika ya bilei,
mpe komela mayi esangana na mpinzoli na ngai.

11 ^{▼▼102:10 in most Bibles.} Mpo na kanda monene na Yo,
otombokeli ngai mpe obwaki ngai mosika.
12 ^{▼▼102:11 in most Bibles.} Mikolo ya bomoi na ngai ezali kokima lokola elili,
mpe nakawuki lokola matiti.

13 ^{▼▼102:12 in most Bibles.} Kasi Yo Yawe, ozali Mokonzi
mpo na libela,
ozali Nzambe seko na seko.
14 ^{▼▼102:13 in most Bibles.} Okotelema solo mpo na Siona,
pamba te ekomi tango ya koyokela yango mawa ;
tango oyo ekatama ekoki.
15 ^{▼▼102:14 in most Bibles.} Pamba te biso basali na Yo, tosepelaka
na mabanga na yango,
mpe toyokelaka putulu na yango mawa.

16 ^{▼▼102:15 in most Bibles.} Bikolo ekotosa Yawe,
mpe bakonzi nyonso ya mokili bakondima
nkembo na Yo.
17 ^{▼▼102:16 in most Bibles.} Pamba te Yawe akotonga lisusu Siona
mpe akomonana kati na nkembo na Ye.
18 ^{▼▼102:17 in most Bibles.} Akoyanola libondeli ya bato
oyo babungisaki biloko,
mpe akondima mabondeli na bango.

19 ^{▼▼102:18 in most Bibles.} Tika ete bakoma yango
mpo na ekeke oyo ekolanda,
mpo ete bikelamu ya sika ekumisa Yawe.
20 ^{▼▼102:19 in most Bibles.} Wuta na Esika na Ye ya bule,
wuta na likolo, Yawe atalaki biso
awa na mokili
21 ^{▼▼102:20 in most Bibles.} mpo na koyoka kolela ya bakangami
kati na boloko
mpe kokangola bato oyo bazwaki etumbu ya kufa.

22 ^{▼▼102:21 in most Bibles.} Kombo ya Yawe ekokende sango
kati na Siona,
mpe masanzoli na Ye, kati na Yelusalemi
23 ^{▼▼102:22 in most Bibles.} tango bato mpe bikolo bakosangana
mpo na kogumbamela Yawe.

24 ^{▼▼102:23 in most Bibles.} Na bomoi na ngai, abukaki lolendo
ya makasi na ngai,
mpe akitisaki motango ya mikolo ya bomoi na ngai.
25 ^{▼▼102:24 in most Bibles.} Nalobaki :
« Nzambe na ngai,
Yo oyo ozali na bomoi seko na seko,
koboma ngai te na kati-kati ya mikolo
ya bomoi na ngai !
26 ^{▼▼102:25 in most Bibles.} Na kala, otiaki miboko ya mokili,
mpe maboko na Yo esalaki Likolo.
27 ^{▼▼102:26 in most Bibles.} Bango, bakokufa ;
kasi Yo, okotikala seko na seko.
Nzoto na bango ekolemba lokola elamba ;
okobongola bango lokola kazaka, mpe bakolimwa.
28 ^{▼▼102:27 in most Bibles.} Kasi Yo, ozali ndenge moko,
mibu na Yo ekotikala kosuka te.

29 ^{▼▼102:28 in most Bibles.} Bana ya basali na Yo bakozwa esika ya kovanda,
mpe bakitani na bango bakowumela liboso na Yo. »