Psa 12 | LinMNB | STEP | Wuta na buku ya mokambi ya bayembi. Nzembo ya Davidi ; ya koyemba na lindanda ya basinga mwambe.

‏ Psalms 12

Nzambe akokisaka bilaka na Ye

1 ^{▼▼12:1 in some Bibles.} Wuta na buku ya mokambi ya bayembi. Nzembo ya Davidi ; ya koyemba na lindanda ya basinga mwambe.

2 ^{▼▼12:1 in most Bibles.} Yawe, sunga biso !
Pamba te bayengebene bazali lisusu te ;
bato ya kotiela motema bazali lisusu te
kati na bana na bato.
3 ^{▼▼12:2 in most Bibles.} Bato nyonso bazali kokosana bango na bango,
bazali kolobana maloba ya sukali,
kasi mitema na bango ezali sembo te.

4 ^{▼▼12:3 in most Bibles.} Tika ete Yawe aboma bato nyonso
oyo balobaka maloba ya sukali
mpe batondi na lolendo,
5 ^{▼▼12:4 in most Bibles.} ba-oyo balobaka :
« Tokolonga na nzela ya lolemo na biso,
bibebu na biso ekolobela biso ;
nani akoluka kozala nkolo na biso ? »

6 ^{▼▼12:5 in most Bibles.} Yawe alobi :
« Mpo ete bazali konyokola babola
mpe kolelisa bato oyo bakelela,
natelemi sik’oyo mpo na kobikisa batiolami. »
7 ^{▼▼12:6 in most Bibles.} Maloba ya Yawe ezalaka peto
lokola palata oyo balekisi na moto
mpe bapetoli mbala sambo.

8 ^{▼▼12:7 in most Bibles.} Yo, Yawe, okobatela bato oyo bakelela,
okobikisa biso mpo na libela liboso ya bato mabe.
9 ^{▼▼12:8 in most Bibles.} Bato mabe batambolaka na bonsomi bipai na bipai
soki bato bapesi bozoba lokumu.