Psa 20 | LinMNB | STEP | Wuta na buku ya mokambi ya bayembi. Nzembo ya Davidi.

‏ Psalms 20

Yawe, longisa mokonzi na biso

1 ^{▼▼20:1 in some Bibles.} Wuta na buku ya mokambi ya bayembi. Nzembo ya Davidi.

2 ^{▼▼20:1 in most Bibles.} Tika ete Yawe ayanola yo
na tango ya pasi ;
tika ete Nzambe ya Jakobi azala
ndako batonga makasi mpo na kobatela yo.
3 ^{▼▼20:2 in most Bibles.} Tika ete asunga yo wuta na Esika na Ye ya bule
mpe apesa yo makasi wuta na Siona.
4 ^{▼▼20:3 in most Bibles.} Tika ete akanisa makabo na yo nyonso
mpe andima mbeka na yo ya kotumba.
5 ^{▼▼20:4 in most Bibles.} Tika ete akokisa posa ya motema na yo
mpe mabongisi na yo nyonso.

6 ^{▼▼20:5 in most Bibles.} Tokoganga na esengo mpo na lobiko na Yo
mpe tokotombola bendele
na Kombo ya Nzambe na biso.
Tika ete Yawe akokisa bisengeli na Yo nyonso.

7 ^{▼▼20:6 in most Bibles.} Nayebi sik’oyo ete Yawe abikisaka mopakolami na Ye,
ayanolaka ye wuta na Esika na Ye ya bule kati na Lola,
na nzela ya nguya ya loboko na Ye ya mobali.
8 ^{▼▼20:7 in most Bibles.} Bamoko batiaka elikya na bango kati na bashar,
bamosusu, kati na bampunda ;
kasi biso totiaka elikya na biso
kati na Kombo na Yawe, Nzambe na biso.
9 ^{▼▼20:8 in most Bibles.} Bango, bafukamaka mpe bakweyaka ;
kasi biso, tozalaka kaka ya kotelema
mpe totikalaka ngwi.
10 ^{▼▼20:9 in most Bibles.} Yawe, bikisa mokonzi !
Yanola biso tango tozali kobelela.