Psa 21 | LinMNB | STEP | Wuta na buku ya mokambi ya bayembi. Nzembo ya Davidi.

‏ Psalms 21

Matondi mpo na elonga

1 ^{▼▼21:1 in some Bibles.} Wuta na buku ya mokambi ya bayembi. Nzembo ya Davidi.

2 ^{▼▼21:1 in most Bibles.} Yawe, mokonzi azali kosepela na nguya na Yo;
Tala ndenge nini elonga oyo opesi ye
epesi ye esengo monene !
3 ^{▼▼21:2 in most Bibles.} Okokisi posa ya motema na ye
mpe opimeli ye te oyo azalaki kosenga Yo.
4 ^{▼▼21:3 in most Bibles.} Oyei epai na ye na mapamboli ya motuya.
Na moto na ye, olatisi ye motole ya wolo
oyo basangisa na eloko mosusu.
5 ^{▼▼21:4 in most Bibles.} Asengaki Yo bomoi, mpe opesaki ye yango ;
opesaki ye bomoi molayi mpe ya libela na libela.
6 ^{▼▼21:5 in most Bibles.} Nkembo na ye ezali monene
mpo na lobiko oyo opesaki ye ;
olatisaki ye na kongenga mpe na lokumu.
7 ^{▼▼21:6 in most Bibles.} Solo, okomisi ye etima ya mapamboli ya seko na seko ;
okomisaki ye moto ya esengo na miso na Yo.
8 ^{▼▼21:7 in most Bibles.} Mokonzi atiaka elikya na Yawe,
aninganaka te mpo na bolingo ya Ye-Oyo-Aleki-Likolo.
9 ^{▼▼21:8 in most Bibles.} Loboko na Yo ekokanga banguna na Yo nyonso ;
loboko na Yo ya mobali ekokanga bayini na Yo.
10 ^{▼▼21:9 in most Bibles.} Tango okomimonisa,
okokomisa bango lokola fulu ya moto.
Yawe akosilisa koboma bango na kanda na Ye,
mpe moto ekozikisa bango.
11 ^{▼▼21:10 in most Bibles.} Okolimwisa mabota na bango na mokili,
mpe bakitani na bango, kati na bana ya bato.
12 ^{▼▼21:11 in most Bibles.} Atako bakani kosala Yo mabe,
atako basali mabongisi ya mabe
mpo na kotelemela Yo,
bakotikala kolonga ata moke te ;
13 ^{▼▼21:12 in most Bibles.} pamba te okobengana bango
tango okobwakela bango bambanzi ya tolotolo na Yo.
14 ^{▼▼21:13 in most Bibles.} Yawe, telema na nguya na Yo !
Tokoyemba nguya na Yo na nzela ya banzembo.