Psa 22 | LinMNB | STEP | Wuta na buku ya mokambi ya bayembi. Nzembo ya Davidi, ya koyemba lokola nzembo na kombo

‏ Psalms 22

Mpo na nini osundoli ngai

1 ^{▼▼22:1 in some Bibles.} Wuta na buku ya mokambi ya bayembi. Nzembo ya Davidi, ya koyemba lokola nzembo na kombo « Mboloko ya tongo. »

2 ^{▼▼22:1 in most Bibles.} Nzambe na ngai, Nzambe na ngai,
mpo na nini osundoli ngai ?
Mpo na nini otelemi mosika ?
Mpo na nini ozali kobikisa ngai te ?
Mpo na nini ozali koyoka te koganga na ngai ?
3 ^{▼▼22:2 in most Bibles.} Nzambe na ngai, na moyi, nabeleli Yo,
kasi oyanoli ngai te ;
na butu, nabeleli lisusu,
mpe natikali kovanda nye te.

4 ^{▼▼22:3 in most Bibles.} Nzokande, ozali Mosantu,
ovandaka na Kiti na Yo ya Bokonzi,
kati na masanzoli ya Isalaele.
5 ^{▼▼22:4 in most Bibles.} Batata na biso batiaki elikya na bango kati na Yo,
bamipesaki epai na Yo,
mpe okangolaki bango.
6 ^{▼▼22:5 in most Bibles.} Bagangaki epai na Yo,
mpe Yo okangolaki bango ;
batiaki elikya na bango kati na Yo
mpe bayokisamaki soni te.

7 ^{▼▼22:6 in most Bibles.} Nazali lisusu moto te, kasi mutsopi ;
bato nyonso bazali kofinga mpe kotiola ngai.
8 ^{▼▼22:7 in most Bibles.} Bato nyonso oyo bazali komona ngai
bazali koseka ngai, bazali kokamwa,
koningisa mito mpe koloba :
9 ^{▼▼22:8 in most Bibles.} « Atiaka motema na ye epai na Yawe ;
tika ete Yawe abikisa ye !
Tika ete Yawe akangola ye,
pamba te asepelaka na Ye ! »

10 ^{▼▼22:9 in most Bibles.} Solo, Yawe, obimisaki ngai na libumu ya mama na ngai,
obatelaki ngai na kimia na tolo na ye.
11 ^{▼▼22:10 in most Bibles.} Wuta mbotama na ngai,
batikaki ngai na maboko na Yo ;
wuta libumu ya mama na ngai,
ozali Nzambe na ngai.
12 ^{▼▼22:11 in most Bibles.} Kozala mosika na ngai te,
pamba te pasi ekomi pene
mpe nazangi moto oyo akosunga ngai.
13 ^{▼▼22:12 in most Bibles.} Banguna na ngai bazingeli ngai
lokola lisanga ya bangombe ya mibali,
bazingeli ngai lokola banyama mabe
oyo ezalaka na Bashani ;
14 ^{▼▼22:13 in most Bibles.} mpe bafungoleli ngai makasi minoko na bango
lokola nkosi oyo etomboki mpe ezali kolia nyama.
15 ^{▼▼22:14 in most Bibles.} Nakomi lokola mayi oyo ezali kosopana,
mpe mikuwa na ngai nyonso ekabwani ;
motema na ngai ekomi lokola mafuta
oyo ezali konyangwama kati na ngai.
16 ^{▼▼22:15 in most Bibles.} Makasi na ngai ekawuki lokola potopoto,
mpe nazali kokoka lisusu koloba te ;
otie ngai pembeni ya lilita.

17 ^{▼▼22:16 in most Bibles.} Bambwa ezingeli ngai,
ngulupa ya bato mabe bayei kobundisa ngai,
bazali kotambola zingazinga na ngai ;
bakangi maboko mpe makolo na ngai na basinga.
18 ^{▼▼22:17 in most Bibles.} Nakoki sik’oyo kotanga ata mikuwa na ngai nyonso ;
kasi bato bazali kotala mpe koseka ngai,
19 ^{▼▼22:18 in most Bibles.} bazali kokabola bilamba na ngai
mpe kobeta zeke mpo na nzambala na ngai.
20 ^{▼▼22:19 in most Bibles.} Kasi Yo, Yawe, kozala mosika te !
Ozali makasi na ngai ;
yaka noki kosunga ngai.
21 ^{▼▼22:20 in most Bibles.} Bikisa bomoi na ngai liboso ya mopanga,
mpe kangola yango wuta na manzaka ya bambwa.
22 ^{▼▼22:21 in most Bibles.} Bikisa ngai wuta na monoko ya nkosi
mpe na maseke ya mpakasa.
23 ^{▼▼22:22 in most Bibles.} Nakotatola Kombo na Yo epai ya bandeko na ngai,
mpe nakokumisa Yo kati na mayangani.
24 ^{▼▼22:23 in most Bibles.} Bino bato oyo botosaka Yawe, bosanzola Ye !
Bino nyonso bana ya Jakobi, bopesa Ye lokumu !
Bino nyonso bana ya Isalaele, botosa Ye !
25 ^{▼▼22:24 in most Bibles.} Pamba te Yawe atiolaki te
mpe abwakaki te mobola ;
apesaka ye mokongo te mpe ayokaka ye
tango asengaka lisungi.

26 ^{▼▼22:25 in most Bibles.} Na ngolu na Yo, nakumisaka Yo kati na mayangani,
nakokisaka bandayi na ngai
na miso ya bato oyo batosaka Yo.
27 ^{▼▼22:26 in most Bibles.} Babola bakolia mpe bakotonda ;
bato oyo balukaka Yawe bakosanzola Ye.
Tika ete bozala na bomoi libela na libela.

28 ^{▼▼22:27 in most Bibles.} Mokili mobimba ekokanisa Yawe,
ekomipesa epai na Ye ;
mpe bituka nyonso ya bikolo ekogumbama liboso na Ye.
29 ^{▼▼22:28 in most Bibles.} Pamba te Yawe azali Mokonzi,
azali kokonza bikolo.

30 ^{▼▼22:29 in most Bibles.} Bazwi nyonso ya mokili bakolia
mpe bakogumbamela Ye ;
bato nyonso oyo bazali kokende na kunda,
ba-oyo bakoki te komibatela na bomoi,
bakogumbama liboso na Ye.
31 ^{▼▼22:30 in most Bibles.} Bakitani na bango bakosalela Yawe
mpe bakopanza sango na Ye
epai ya ekeke oyo ekoya na sima ;
32 ^{▼▼22:31 in most Bibles.} bakosakola misala ya bosembo na Ye,
epai ya bato oyo bakobotama.