Psa 30 | LinMNB | STEP | Nzembo ya Davidi mpo na libulisi ya Tempelo.

‏ Psalms 30

Yawe azongisi ngai na bomoi

1 ^{▼▼30:1 in some Bibles.} Nzembo ya Davidi mpo na libulisi ya Tempelo.

2 ^{▼▼30:1 in most Bibles.} Yawe, nanetoli Yo,
pamba te obimisaki ngai na libulu ya mozindo
mpe otikaki te banguna na ngai kosepela na tina na ngai.
3 ^{▼▼30:2 in most Bibles.} Yawe, Nzambe na ngai, nabelelaki Yo
mpo na kosenga lisungi,
mpe obikisaki ngai na bokono.
4 ^{▼▼30:3 in most Bibles.} Yawe, obimisaki ngai na mboka ya bakufi,
obatelaki bomoi na ngai
mosika na bato oyo bazali kokita na libulu.

5 ^{▼▼30:4 in most Bibles.} Boyemba banzembo mpo na lokumu ya Yawe,
bino babulami na Ye ;
bokumisa Kombo na Ye ya bule.
6 ^{▼▼30:5 in most Bibles.} Pamba te kanda makasi na Ye ewumelaka
mpo na mwa tango moke,
kasi ngolu na Ye ewumelaka seko na seko ;
kolela ekoki kowumela kino na pokwa,
kasi kosepela ekokota na tongo.

7 ^{▼▼30:6 in most Bibles.} Tango nazalaki na kimia, nalobaki :
« Nakotikala kokweya te. »
8 ^{▼▼30:7 in most Bibles.} Yawe, tango osalelaki ngai ngolu,
olendisaki ngomba na ngai ;
kasi tango obombelaki ngai elongi,
nabungisaki elikya.

9 ^{▼▼30:8 in most Bibles.} Yawe, nabelelaki Yo ;
nabelelaki Yawe mpo na kosenga lisungi :
10 ^{▼▼30:9 in most Bibles.} « Litomba nini ezali soki nakufi,
soki nakiti na libulu ?
Boni, putulu ekokumisa Yo ?
Boni, ekosakola boyengebene na Yo ?
11 ^{▼▼30:10 in most Bibles.} Yawe, yoka ngai mpe salela ngai ngolu ;
Yawe, zala lisungi na ngai. »

12 ^{▼▼30:11 in most Bibles.} Obongoli kolela na ngai, okomisi yango mabina ;
olongoli mokumba na ngai mpe olatisi ngai esengo,
13 ^{▼▼30:12 in most Bibles.} mpo ete molimo na ngai ekumisa Yo na banzembo,
kasi navanda nye te.
Yawe, Nzambe na ngai, nakokumisa Yo
libela na libela.