Psa 34 | LinMNB | STEP | Nzembo ya Davidi. Ayembaki yango tango akosanaki liboma liboso ya Abimeleki oyo abenganaki ye, mpe akendeki.

‏ Psalms 34

Yawe, mokangoli na ngai

1 ^{▼▼34:1 in some Bibles.} Nzembo ya Davidi. Ayembaki yango tango akosanaki liboma liboso ya Abimeleki oyo abenganaki ye, mpe akendeki.

2 ^{▼▼34:1 in most Bibles.} Nakopambola Yawe tango nyonso,
nakokumisa Ye mikolo nyonso na bibebu na ngai.
3 ^{▼▼34:2 in most Bibles.} Tika ete bomoi na ngai emikumisa kati na Yawe ;
tika ete banyokolami bayoka mpe basepela !
4 ^{▼▼34:3 in most Bibles.} Boya kosakola elongo na ngai
ete Yawe azali monene !
Tonetola Kombo na Ye, biso nyonso.

5 ^{▼▼34:4 in most Bibles.} Nalukaki Yawe, mpe ayanolaki ngai ;
akangolaki ngai na somo na ngai nyonso.
6 ^{▼▼34:5 in most Bibles.} Bato oyo batalaka epai na Ye bangengaka na esengo,
mpe bayokisamaka soni ata moke te.
7 ^{▼▼34:6 in most Bibles.} Mobola agangaki, mpe Yawe ayokaka ye ;
abikisaki ye na pasi na ye nyonso.
8 ^{▼▼34:7 in most Bibles.} Anjelu ya Yawe atongaka molako na ye
zingazinga ya bato oyo batosaka Yawe,
mpe akangolaka bango.

9 ^{▼▼34:8 in most Bibles.} Bomeka elengi mpe botala
ndenge nini Yawe azali malamu ;
Esengo na moto oyo azwaka Yawe
lokola ebombamelo na ye !
10 ^{▼▼34:9 in most Bibles.} Bino basantu ya Yawe, botosa Yawe ;
pamba te bato oyo batosaka Ye
bazangaka eloko moko te.
11 ^{▼▼34:10 in most Bibles.} Bana ya nkosi ezangaka mpe ekufaka nzala,
kasi bato oyo balukaka Yawe
bakozanga eloko moko.
12 ^{▼▼34:11 in most Bibles.} Bana na ngai, boya, boyoka ngai ;
Nakolakisa bino kotosa Yawe.
13 ^{▼▼34:12 in most Bibles.} Nani asepelaka na bomoi ?
Nani alingaka kobika mikolo ebele ya esengo ?
14 ^{▼▼34:13 in most Bibles.} Batela lolemo na yo mosika na mabe,
mpe bibebu na yo ete eloba lokuta te.
15 ^{▼▼34:14 in most Bibles.} Zala mosika na mabe mpe sala bolamu,
luka kimia mpe koba na yango.

16 ^{▼▼34:15 in most Bibles.} Miso ya Yawe etalaka bato ya sembo,
mpe matoyi na Ye eyokaka koganga na bango ;
17 ^{▼▼34:16 in most Bibles.} kasi Yawe apesaka bato mabe mokongo
mpo ete bakanisa bango lisusu te kati na mokili.

18 ^{▼▼34:17 in most Bibles.} Tango bato ya sembo babelelaka,
Yawe ayokaka mpe akangolaka bango
na pasi na bango nyonso.
19 ^{▼▼34:18 in most Bibles.} Yawe azali pene ya bato
oyo bazoki na mitema
mpe abikisaka ba-oyo balembi na milimo na bango.

20 ^{▼▼34:19 in most Bibles.} Pasi mingi ekangaka moto ya sembo,
kasi Yawe akangolaka ye na nyonso,
21 ^{▼▼34:20 in most Bibles.} abatelaka mikuwa na ye nyonso
mpo ete moko te kati na yango ebukana.

22 ^{▼▼34:21 in most Bibles.} Mabe ebomaka moto mabe,
mpe bayini ya moto ya sembo bakozwa etumbu.
23 ^{▼▼34:22 in most Bibles.} Yawe akangolaka bomoi ya basali na Ye ;
mpe bato nyonso oyo bazwaka Ye
lokola ebombamelo na bango bakozwa etumbu te.