Psa 38 | LinMNB | STEP | Nzembo ya Davidi mpo na kokanisa.

‏ Psalms 38

Losambo ya mobeli

1 ^{▼▼38:1 in some Bibles.} Nzembo ya Davidi mpo na kokanisa.

2 ^{▼▼38:1 in most Bibles.} Yawe, kopamela ngai te kati na kanda na Yo
to kopesa ngai etumbu te kati na kanda makasi na Yo.
3 ^{▼▼38:2 in most Bibles.} Pamba te makonga na Yo etoboli ngai,
mpe loboko na Yo ebeti ngai.
4 ^{▼▼38:3 in most Bibles.} Mpo na kanda na Yo, nzoto na ngai ebeli ;
mpo na masumu na ngai, mikuwa na ngai elembi.
5 ^{▼▼38:4 in most Bibles.} Mabe na ngai eleki moto na ngai,
ezali kilo makasi epai na ngai
lokola mokumba ya kilo makasi.

6 ^{▼▼38:5 in most Bibles.} Bapota na ngai epoli mpe ekomi kolumba solo
mpo na bozoba na ngai.
7 ^{▼▼38:6 in most Bibles.} Nagumbami, nalembi makasi ;
nakomi moto ya mawa mpo na libela.
8 ^{▼▼38:7 in most Bibles.} Pamba te nazali koyoka pasi makasi na mokongo na ngai,
eteni ata moko te ya nzoto na ngai ezali malamu.
9 ^{▼▼38:8 in most Bibles.} Nalembi, makasi na ngai nyonso esili ;
mobulu ekoti na motema na ngai,
nakomi koganga na kolemba te.

10 ^{▼▼38:9 in most Bibles.} Nkolo, oyebi posa na ngai nyonso ;
kolela na ngai ezali ya kobombama te na miso na Yo.
11 ^{▼▼38:10 in most Bibles.} Motema na ngai ezangi kimia,
makasi na ngai ekomi kosila,
nabungisi ata pole ya miso na ngai.
12 ^{▼▼38:11 in most Bibles.} Bato oyo balingaka ngai mpe baninga na ngai
bakimi pasi na ngai,
ba-oyo bazalaka na ngai esika moko batelemi mosika na ngai.
13 ^{▼▼38:12 in most Bibles.} Bato oyo balukaka kufa na ngai bazali kotia mitambo,
ba-oyo balukaka pasi na ngai bazali koloba mpo na kosala ngai mabe,
bakomi mikolo nyonso kobongisa lokuta.
14 ^{▼▼38:13 in most Bibles.} Kasi ngai nazali kosala lokola mokufi matoyi ;
mpe lokola baba, nakangi monoko, naboyi koloba.
15 ^{▼▼38:14 in most Bibles.} Nakomi lokola mokufi matoyi
oyo akoki kopesa eyano ata moko te na monoko na ye.
16 ^{▼▼38:15 in most Bibles.} Yawe, natiaka elikya na ngai kati na Yo ;
oh Nkolo, Nzambe na ngai, solo, okoyanola.
17 ^{▼▼38:16 in most Bibles.} Nalobaki : « Kopesa nzela te
ete basepela na tina na ngai
to bamitombola likolo na ngai soki nabeti libaku. »
18 ^{▼▼38:17 in most Bibles.} Pamba te nakomi pene ya kokweya,
pasi na ngai ezali kaka elongo na ngai tango nyonso.
19 ^{▼▼38:18 in most Bibles.} Solo nandimi mabe na ngai,
masumu na ngai ezali kotungisa molimo na ngai.
20 ^{▼▼38:19 in most Bibles.} Banguna na ngai bazali makasi mpe bingambe,
bato oyo bayinaka ngai kaka pamba bazali ebele.
21 ^{▼▼38:20 in most Bibles.} Bato oyo bazongisaka mabe na bolamu
bazali kofunda ngai atako nalukaka kosala bolamu.

22 ^{▼▼38:21 in most Bibles.} Yawe, kosundola ngai te ;
Nzambe na ngai, kozala mpe mosika na ngai te.
23 ^{▼▼38:22 in most Bibles.} Nkolo, Mobikisi na ngai,
yaka noki kosunga ngai.