Psa 4 | LinMNB | STEP | Wuta na buku ya mokambi ya bayembi. Nzembo ya Davidi ; ezali ya koyemba na lindanda.

‏ Psalms 4

Yawe apesaka kimia

1 ^{▼▼4:1 in some Bibles.} Wuta na buku ya mokambi ya bayembi. Nzembo ya Davidi ; ezali ya koyemba na lindanda.

2 ^{▼▼4:1 in most Bibles.} Nzambe, bosembo na ngai,
soki nabeleli Yo, yanola ngai.
Kangola ngai na pasi,
salela ngai ngolu,
mpe yoka libondeli na ngai.

3 ^{▼▼4:2 in most Bibles.} Bino bato, kino tango nini bokoyokisa
nkembo na ngai soni ?
Kino tango nini bokomisepelisa
na makambo ya pamba
mpe bokolanda makambo ya lokuta ?

4 ^{▼▼4:3 in most Bibles.} Boyeba ete Yawe abulisi mpo na Ye moko
mosali oyo azali sembo na miso na Ye ;
Yawe ayokaka ngai tango nabelelaka Ye.
5 ^{▼▼4:4 in most Bibles.} Soki bosiliki, bosalaka masumu te ;
soki bolali na mbeto,
bolukaka kososola makambo
mpe bovandaka kimia.

6 ^{▼▼4:5 in most Bibles.} Bobonzaka bambeka kolanda mibeko
mpe botiaka elikya na bino kati na Yawe.
7 ^{▼▼4:6 in most Bibles.} Bato mingi bazali kotuna :
« Nani akomemela biso bolamu ? »
Oh Yawe, ngengisela biso elongi na Yo.

8 ^{▼▼4:7 in most Bibles.} Tondisa motema na ngai na esengo
soki bafuluki na bambuma ya ble elongo na vino ya sika.
9 ^{▼▼4:8 in most Bibles.} Nakolala mpe nakozwa pongi na kimia,
pamba te, Yo moko Yawe, osalaka
ete navanda na kimia.