Psa 44 | LinMNB | STEP | Nzembo ya bana ya Kore. Wuta na buku ya mokambi ya bayembi.

‏ Psalms 44

Yawe abwaki biso

1 ^{▼▼44:1 in some Bibles.} Nzembo ya bana ya Kore. Wuta na buku ya mokambi ya bayembi.

2 ^{▼▼44:1 in most Bibles.} Nzambe, toyokaki na matoyi na biso ;
bakoko na biso babetelaki biso lisolo
ya makambo oyo osalaki na tango na bango,
na tango ya kala.
3 ^{▼▼44:2 in most Bibles.} Na nguya na Yo, obenganaki bikolo
mpe otiaki bakoko na biso ;
obetaki bikolo ya bapaya
mpe ofulukisaki bakoko na biso.
4 ^{▼▼44:3 in most Bibles.} Pamba te ezalaki na mopanga na bango te
nde babotolaki mokili,
ezalaki mpe maboko na bango te
nde ebikisaki bango ;
kasi ezalaki nde loboko na Yo ya mobali,
nguya na Yo mpe pole ya elongi na Yo,
pamba te ozalaki kolinga bango.

5 ^{▼▼44:4 in most Bibles.} Oh Nzambe, Yo oyo ozali Mokonzi na ngai,
pesa mitindo mpo na elonga ya Jakobi.
6 ^{▼▼44:5 in most Bibles.} Na lisungi na Yo, tolongaka banguna na biso,
mpe na Kombo na Yo, tonyataka bayini na biso.
7 ^{▼▼44:6 in most Bibles.} Pamba te natiaka elikya te na tolotolo na ngai,
mpe mopanga na ngai ebikisaka ngai te.
8 ^{▼▼44:7 in most Bibles.} Kasi ezali Yo nde obikisaka biso
wuta na maboko ya bayini na biso,
mpe oyokisaka bayini na biso soni.
9 ^{▼▼44:8 in most Bibles.} Tomikumisaka mikolo nyonso kati na Nzambe
mpe tokokumisa Kombo na Yo mpo na libela.

10 ^{▼▼44:9 in most Bibles.} Kasi obwaki biso, oyokisi biso soni
mpe ozali lisusu kotambola te
elongo na mampinga na biso.
11 ^{▼▼44:10 in most Bibles.} Otiki biso kokima liboso ya banguna na biso ;
mpe bayini na biso bazwi biloko na biso na makasi.
12 ^{▼▼44:11 in most Bibles.} Osundoli biso na maboko na bango
lokola bameme ya koboma
mpe opanzi biso kati na bikolo.
13 ^{▼▼44:12 in most Bibles.} Oteki bato na Yo na pamba
mpe ozwi ata litomba te kowuta na boteki yango.

14 ^{▼▼44:13 in most Bibles.} Okomisi biso eloko ya lisuma
na miso ya bato oyo bazali pembeni na biso,
eloko ya litio mpe ya liseki
na miso ya bato oyo bazali zingazinga na biso.
15 ^{▼▼44:14 in most Bibles.} Okomisi biso lisapo kati na bikolo,
mpe bato bakomi koningisa mito na bango mpo na biso.
16 ^{▼▼44:15 in most Bibles.} Kosambwa ekomi tango nyonso liboso na ngai
mpe soni ezipi elongi na ngai,
17 ^{▼▼44:16 in most Bibles.} mpo na litio ya bato oyo bazali kofinga mpe kopamela ngai,
mpe ya monguna oyo akangela ngai kanda.

18 ^{▼▼44:17 in most Bibles.} Makambo wana nyonso ekweyeli biso
atako tobosanaki Yo te
mpe tobebisaki Boyokani na Yo te,
19 ^{▼▼44:18 in most Bibles.} atako mitema na biso epengwaki te
mpe totamboli libanda ya nzela na Yo te.
20 ^{▼▼44:19 in most Bibles.} Pamba te onyokolaki biso
kati na etando ya bambwa ya zamba
mpe ozipaki biso na molili makasi.

21 ^{▼▼44:20 in most Bibles.} Soki tobosanaki Kombo ya Nzambe na biso
to totombolaki maboko na biso epai ya nzambe ya mopaya,
22 ^{▼▼44:21 in most Bibles.} boni, Nzambe na biso alingaki koyeba yango te,
lokola asosolaka mozindo ya mitema ?
23 ^{▼▼44:22 in most Bibles.} Pamba te, likolo na Yo, babomaka biso mikolo nyonso
mpe bazwaka biso lokola bameme ya koboma.

24 ^{▼▼44:23 in most Bibles.} Nkolo, lamuka ! Mpo na nini ozali kolala ?
Lamuka, kobwaka biso te mpo na libela.
25 ^{▼▼44:24 in most Bibles.} Yawe, mpo na nini ozali kobomba elongi na Yo ?
Mpo na nini ozali kobosana pasi mpe minyoko na biso ?

26 ^{▼▼44:25 in most Bibles.} Pamba te tokweyi na putulu,
mpe nzoto na biso ekangami na mabele.
27 ^{▼▼44:26 in most Bibles.} Telema, yaka kosunga biso,
kangola biso mpo na bolingo na Yo !