Psa 45 | LinMNB | STEP | Nzembo ya bolingo oyo bana ya Kore bayembaki. Wuta na buku ya mokambi ya bayembi. Eyembamaki na lindanda oyo babengaka Lisi.

‏ Psalms 45

Mpo na libala ya mokonzi

1 ^{▼▼45:1 in some Bibles.} Nzembo ya bolingo oyo bana ya Kore bayembaki. Wuta na buku ya mokambi ya bayembi. Eyembamaki na lindanda oyo babengaka Lisi.

2 ^{▼▼45:1 in most Bibles.} Motema na ngai etondi na maloba kitoko.
Namilobeli : Nakotatola misala na ngai mpo na mokonzi.
Tika ete lolemo na ngai ezala
lokola ekomeli ya mokomi ya mayele.

3 ^{▼▼45:2 in most Bibles.} Oleki bato nyonso na kitoko,
mpe bibebu na Yo ebimisaka ngolu ;
yango wana Nzambe apambola Yo mpo na libela.

4 ^{▼▼45:3 in most Bibles.} Elombe ya bitumba, kanga mopanga na loketo na Yo !
Lata lokumu mpe kongenga.
5 ^{▼▼45:4 in most Bibles.} Kati na kongenga na Yo, zala molongi,
mata na shar na Yo, telema mpo na solo,
mpo na komikitisa, mpe mpo na bosembo ;
tika ete loboko na Yo ya mobali esala misala minene.
6 ^{▼▼45:5 in most Bibles.} Tika ete makonga na Yo ya minu
etobola mitema ya banguna ya mokonzi ;
tika ete bikolo ekweya na se ya matambe na Yo.
7 ^{▼▼45:6 in most Bibles.} Nzambe, Kiti ya Bokonzi na Yo ekowumela seko na seko ;
lingenda ya bokonzi na Yo ezali mpo na bosembo.
8 ^{▼▼45:7 in most Bibles.} Olingaka bosembo mpe oyinaka mabe ;
yango wana, oh Nzambe, Nzambe na Yo apakoli Yo mafuta ya esengo,
asepeli na Yo koleka baninga na Yo.
9 ^{▼▼45:8 in most Bibles.} Bilamba na Yo nyonso ezali kolumba solo kitoko
ya malasi ya mire, ya aloe mpe ya kaneli ;
wuta na bandako minene
oyo ebongisama na pembe ya nzoko,
mandanda ezali kosepelisa Yo.
10 ^{▼▼45:9 in most Bibles.} Bana basi ya bakonzi bazali kati na basi ya lokumu ;
mwasi ya mokonzi azali na ngambo ya loboko na Yo ya mobali,
alati biloko ya wolo ya Ofiri.

11 ^{▼▼45:10 in most Bibles.} Mwana na ngai ya mwasi, tala mpe yoka ;
bosana bato na yo mpe ndako ya tata na yo.
12 ^{▼▼45:11 in most Bibles.} Mokonzi asepeli na kitoko na yo ;
lokola azali nkolo na yo, gumbama liboso na ye.
13 ^{▼▼45:12 in most Bibles.} Tiri, mboka kitoko, bato oyo baleki na bozwi kati na bato
bakomemela yo bakado mpo ete olinga bango.
14 ^{▼▼45:13 in most Bibles.} Mwana mwasi ya mokonzi azali kongenga na kitoko
kati na ndako ya mokonzi,
alati elamba batonga wolo.
15 ^{▼▼45:14 in most Bibles.} Alati bilamba batonga bililingi kitoko na basinga,
mpe bamemi ye epai ya mokonzi.
Bamemi mpe balingami na ye epai na yo,
bilenge basi oyo batambolaka elongo na ye.
16 ^{▼▼45:15 in most Bibles.} Bamemi bango na nsayi mpe na esengo ;
bakoti na ndako ya mokonzi.

17 ^{▼▼45:16 in most Bibles.} Bana na yo ya mibali bakozwa esika ya bakoko na bango ;
okotia bango bakambi kati na mokili mobimba.

18 ^{▼▼45:17 in most Bibles.} Nakosala ete bikeke nyonso ebosana kombo na yo te.
Boye bikolo nyonso ekosanzola Yo tango nyonso, seko na seko.