Psa 47 | LinMNB | STEP | Nzembo ya bana ya Kore. Wuta na buku ya mokambi ya bayembi.

‏ Psalms 47

Bobetela Nzambe maboko

1 ^{▼▼47:1 in some Bibles.} Nzembo ya bana ya Kore. Wuta na buku ya mokambi ya bayembi.

2 ^{▼▼47:1 in most Bibles.} Bino nyonso, bikolo, bobeta maboko !
Boganga epai na Nzambe na esengo nyonso.
3 ^{▼▼47:2 in most Bibles.} Tala ndenge nini Yawe,
Ye-Oyo-Aleki-Likolo, azali somo !
Azali Mokonzi Monene na mokili mobimba.
4 ^{▼▼47:3 in most Bibles.} Atiaki bikolo na se na biso,
mpe mabota na se ya bokonzi na biso.
5 ^{▼▼47:4 in most Bibles.} Aponelaki biso libula na biso,
oyo ezali lokumu ya Jakobi, molingami na Ye.

6 ^{▼▼47:5 in most Bibles.} Nzambe amataki kati na koganga ya esengo ;
Yawe ayaka kati na lokito ya kelelo.
7 ^{▼▼47:6 in most Bibles.} Boyemba mpo na lokumu ya Nzambe,
boyemba mpo na lokumu na Ye.
Boyemba mpo na lokumu ya Mokonzi na biso,
boyemba mpo na lokumu na Ye.
8 ^{▼▼47:7 in most Bibles.} Pamba te Nzambe azali Mokonzi ya mokili mobimba ;
boyemba nzembo mpo na lokumu na Ye.

9 ^{▼▼47:8 in most Bibles.} Nzambe akonzaka bikolo nyonso ;
Nzambe avandi na Kiti na Ye ya bule.
10 ^{▼▼47:9 in most Bibles.} Bato minene ya bikolo basangani,
lokola bato ya Nzambe ya Abrayami,
pamba te bilombe ya mokili bazali ya Nzambe ;
atombwama makasi.