Psa 52 | LinMNB | STEP | Nzembo ya Davidi. Wuta na buku ya mokambi ya bayembi.

‏ Psalms 52

Suka ya mozwi oyo anyokolaka bato

1 ^{▼▼52:1 in some Bibles.} Nzembo ya Davidi. Wuta na buku ya mokambi ya bayembi. 2 ^{▼▼52:Title in some Bibles.} Eyembamaki tango Doegi, moto ya Edomi, akendeki koyebisa Saulo ete Davidi akoti na ndako ya Ayimeleki.

3 ^{▼▼52:1 in most Bibles.} Yo elombe, mpo na nini ozali komikumisa
na tina na mabe ?
Bolingo ya Nzambe emonanaka mikolo nyonso.
4 ^{▼▼52:2 in most Bibles.} Yo oyo otambolaka na lokuta,
lolemo na yo esalaka mabongisi ya libebi,
ekosaka lokola mbeli bapelisa malamu.
5 ^{▼▼52:3 in most Bibles.} Olingaka mabe koleka bolamu,
lokuta koleka koloba bosolo.
6 ^{▼▼52:4 in most Bibles.} Oh lolemo ya lokuta,
olingaka maloba nyonso oyo epanzaka.

7 ^{▼▼52:5 in most Bibles.} Solo, Ye moko Nzambe akobebisa yo mpo na libela,
akokanga yo kati na ndako na yo,
akobwaka yo libanda
mpe akopikola yo na mokili ya bato ya bomoi.
8 ^{▼▼52:6 in most Bibles.} Bato ya sembo bakomona
mpe bakokoma na somo,
bakotiola ye na maloba oyo :
9 ^{▼▼52:7 in most Bibles.} « Tala moto oyo azalaki te kozwa Nzambe
lokola ebombamelo na ye,
azalaki kotiela bozwi na ye motema,
mpe kobakisa makasi na ye
na nzela ya kobebisa bato mosusu. »

10 ^{▼▼52:8 in most Bibles.} Kasi ngai, kati na Ndako na Yo,
nazali lokola nzete ya olive
oyo etondi na makasa ya mobesu ;
natiaka tango nyonso elikya na ngai
kati na bolingo monene ya Nzambe, mpo na libela.
11 ^{▼▼52:9 in most Bibles.} Nakosanzola Yo mikolo nyonso,
mpo na oyo osali ;
mpe nazalaka na elikya kati na Kombo na Yo,
pamba te ozali malamu mpo na bayengebene na Yo.