Psa 55 | LinMNB | STEP | Wuta na buku ya mokambi ya bayembi. Eyembamaki na lindanda. Nzembo ya Davidi.

‏ Psalms 55

Libondeli ya moto oyo bateki

1 ^{▼▼55:1 in some Bibles.} Wuta na buku ya mokambi ya bayembi. Eyembamaki na lindanda. Nzembo ya Davidi.

2 ^{▼▼55:1 in most Bibles.} Oh Nzambe, yoka libondeli na ngai,
komibomba te wana nazali kobelela Yo.
3 ^{▼▼55:2 in most Bibles.} Yoka ngai mpe yanola ngai.
Kati na kolela na ngai, nakomi koyengayenga
mpe nazangi kimia,
4 ^{▼▼55:3 in most Bibles.} mpo na maloba ya monguna na ngai
mpe kanda ya moto mabe,
pamba te bazali kokweyisela ngai misala mabe
mpe konyokola ngai na kanda.

5 ^{▼▼55:4 in most Bibles.} Motema na ngai etondi na mawa,
mpe somo ya kufa ekangi ngai.
6 ^{▼▼55:5 in most Bibles.} Nakomi kobanga mpe kolenga,
somo monene ekangi ngai.
7 ^{▼▼55:6 in most Bibles.} Nakomi komilobela :
« Soki nazalaki ata na mapapu ya ebenga,
nalingaki kopumbwa mpo na koluka bopemi ;
8 ^{▼▼55:7 in most Bibles.} nalingaki kokima mosika penza,
mpo na kokende kovanda ata na esobe.
9 ^{▼▼55:8 in most Bibles.} Solo, na lombangu penza,
nalingaki kokende koluka ebombamelo
mpo na kokima mopepe makasi mpe ekumbaki. »

10 ^{▼▼55:9 in most Bibles.} Nkolo, bebisa mabongisi ya banguna na ngai
mpe kotisa mobulu kati na bango ;
pamba te, kati na engumba,
nazali komona mobulu mpe bokabwani.
11 ^{▼▼55:10 in most Bibles.} Butu mpe moyi, ezali kotambola
na bamir na yango ;
misala mabe mpe ya kanza etondi kati na yango.
12 ^{▼▼55:11 in most Bibles.} Banguya oyo ebebisaka ezali kosala kati na yango,
minyoko mpe lokuta ezali kosila te.

13 ^{▼▼55:12 in most Bibles.} Soki monguna nde azalaki kofinga ngai,
nalingaki kokanga motema ;
soki ezalaki mpe moyini nde azalaki kotelemela ngai,
nalingaki komibomba mpo ete amona ngai te.
14 ^{▼▼55:13 in most Bibles.} Kasi ezali yo, moto lokola ngai,
oyo otambolaka elongo na ngai,
molingami mpe moninga na ngai ya motema
15 ^{▼▼55:14 in most Bibles.} oyo nazalaki kokabola elongo na yo,
pasi mpe basekele
tango tozalaki kokende
nzela moko na Tempelo ya Nzambe.

16 ^{▼▼55:15 in most Bibles.} Tika ete kufa ekanga bango na mbalakata
mpe bakita ya bomoi kati na mboka ya bakufi ;
pamba te mabe etondi kati na bandako
mpe mitema na bango.

17 ^{▼▼55:16 in most Bibles.} Mpo na ngai, nabelelaka Nzambe,
mpe Yawe akobikisa ngai.
18 ^{▼▼55:17 in most Bibles.} Tongo, midi, pokwa,
nasopaka motema na ngai mpe nalelaka,
mpe ayokaka mongongo na ngai.
19 ^{▼▼55:18 in most Bibles.} Akopesa ngai kimia, akokangola ngai
na bitumba oyo babundisaka ngai ;
pamba te bato oyo batelemeli ngai bazali ebele.
20 ^{▼▼55:19 in most Bibles.} Nzambe ayokaka, akosambwisa bango penza ;
akonzaka mpo na libela na libela.

Babongolaka mitema te
mpe batosaka Nzambe te.

21 ^{▼▼55:20 in most Bibles.} Abundisi balingami na ye,
abebisi boyokani na ye.
22 ^{▼▼55:21 in most Bibles.} Maloba ya monoko na ye ezalaka sukali,
nzokande bitumba evandi kati na motema na ye ;
maloba na ye ezalaka ya kimia koleka mafuta,
nzokande ezali mopanga oyo ezangi ebombelo.

23 ^{▼▼55:22 in most Bibles.} Bwakela Yawe mokumba na yo,
akosunga yo ;
akotika te ete moto ya sembo akweya
mpo na libela.
24 ^{▼▼55:23 in most Bibles.} Mpe Yo, Nzambe, okobwaka basopi makila
mpe bakosi kati na libulu ya libebi ;
bakokokisa ata kati-kati te
ya mikolo ya bomoi na bango.
Kasi ngai, natiaka elikya na ngai kati na Yo.