Psa 56 | LinMNB | STEP | Wuta na buku ya mokambi ya bayembi. Eyembamaki ndenge moko na « Ebenga ya terebente ya mosika. » Nzembo ya Davidi, tango bato ya Filisitia bakangaki ye kati na mboka Gati.

‏ Psalms 56

Elongo na Nzambe, kobanga ezali lisusu te

1 ^{▼▼56:1 in some Bibles.} Wuta na buku ya mokambi ya bayembi. Eyembamaki ndenge moko na « Ebenga ya terebente ya mosika. » Nzembo ya Davidi, tango bato ya Filisitia bakangaki ye kati na mboka Gati.

2 ^{▼▼56:1 in most Bibles.} Nzambe, yokela ngai mawa,
pamba te bato bazali kotungisa ngai.
Babundisaka mpe banyokolaka ngai mikolo nyonso.
3 ^{▼▼56:2 in most Bibles.} Bayini na ngai batungisaka ngai mikolo nyonso ;
bato oyo babundisaka ngai na lolendo bazali ebele.

4 ^{▼▼56:3 in most Bibles.} Mokolo oyo nazalaka na bobangi,
natiaka elikya na ngai kati na Yo.
5 ^{▼▼56:4 in most Bibles.} Epai ya Nzambe, nakumisaka Liloba na Ye ;
Epai ya Nzambe, natiaka motema mpe nabangaka te.
Moto oyo akokufa akoki kosala ngai nini ?

6 ^{▼▼56:5 in most Bibles.} Babongolaka maloba na ngai mikolo nyonso ;
mabongisi na bango nyonso ezalaka
mpo na kosala ngai mabe.
7 ^{▼▼56:6 in most Bibles.} Basalaka makita, babombamaka,
balandaka ngai mpo na kosala ngai mabe.
8 ^{▼▼56:7 in most Bibles.} Mpo na makambo oyo ya mabe,
boni, bazanga etumbu ?
Oh Nzambe, kweyisela bikolo kanda na Yo !

9 ^{▼▼56:8 in most Bibles.} Solo, oyebi motango ya matambe
ya bomoi na ngai ya mitelengano.
Sopa mpinzoli na ngai kati na mbeki na Yo,
oyo ezali buku na Yo ya ekaniseli.
10 ^{▼▼56:9 in most Bibles.} Bongo, na mokolo oyo nakobelela
mpo na kosenga lisungi,
banguna na ngai bakozonga sima.
Na nzela ya likambo yango,
nakoyeba ete Nzambe azali mpo na ngai.

11 ^{▼▼56:10 in most Bibles.} Pembeni ya Nzambe oyo nakumisaka Liloba na Ye,
pembeni ya Yawe oyo nakumisaka Liloba na Ye,
12 ^{▼▼56:11 in most Bibles.} pembeni ya Nzambe oyo natielaka motema
mpe nazalaka na bobangi te,
moto akoki kosala ngai nini ?

13 ^{▼▼56:12 in most Bibles.} Epai na Yo Nzambe, nakokokisa bandayi na ngai
mpe nakobonza bambeka ya matondi.
14 ^{▼▼56:13 in most Bibles.} Pamba te okangoli ngai na kufa
mpe obateli makolo na ngai ete ebeta mabaku te,
mpo ete natambola liboso na Yo Nzambe
kati na pole ya bomoi.