Psa 57 | LinMNB | STEP | Wuta na buku ya mokambi ya bayembi. Eyembamaki ndenge moko na nzembo « Koboma te. » Nzembo ya Davidi, tango Saulo azalaki kolanda ye, mpe tango Davidi abombamaki kati na libulu.

‏ Psalms 57

Kimia na kati ya banguna

1 ^{▼▼57:1 in some Bibles.} Wuta na buku ya mokambi ya bayembi. Eyembamaki ndenge moko na nzembo « Koboma te. » Nzembo ya Davidi, tango Saulo azalaki kolanda ye, mpe tango Davidi abombamaki kati na libulu.

2 ^{▼▼57:1 in most Bibles.} Oh Nzambe, yokela ngai mawa !
Yokela ngai mawa,
pamba te nazali koluka ebombamelo ;
nazali koluka ebombamelo na se ya mapapu na Yo,
kino tango ya pasi ekoleka.

3 ^{▼▼57:2 in most Bibles.} Nazali koganga epai ya Nzambe-Oyo-Aleki-Likolo,
epai ya Nzambe oyo asalelaka ngai bolamu.
4 ^{▼▼57:3 in most Bibles.} Akotinda wuta na likolo mpe akobikisa ngai,
akopamela bato oyo batungisaka ngai.
Nzambe akomonisa bolingo
mpe boyengebene na Ye.

5 ^{▼▼57:4 in most Bibles.} Nazali na kati-kati ya bankosi ;
nalali na kati-kati ya bato
oyo babomaka mpe baliaka bato,
oyo minu na bango ezali makonga mpe batolotolo,
mpe lolemo na bango ezali mopanga ya minu makasi.

6 ^{▼▼57:5 in most Bibles.} Oh Nzambe, tika ete omitombola na likolo ya Lola ;
tika ete nkembo na Yo ezala
awa na mokili mobimba !

7 ^{▼▼57:6 in most Bibles.} Batiaki monyama na makolo na ngai
mpo ete nakangama,
batimolaki libulu liboso na ngai,
kasi bango moko nde bakweyaki kati na libulu yango.

8 ^{▼▼57:7 in most Bibles.} Nzambe, lendisa motema na ngai ;
Nzambe, lendisa motema na ngai.
Nakoyembela Yo mpe nakosanzola Yo na mindule.
9 ^{▼▼57:8 in most Bibles.} Lokumu na ngai, lamuka !
Lindanda mpe nzenze, bolamuka !
Nalingi kolamusa tongo.

10 ^{▼▼57:9 in most Bibles.} Nkolo, nakosanzola Yo kati na mabota,
nakosanzola Yo na mindule kati na bikolo.
11 ^{▼▼57:10 in most Bibles.} Pamba te bolingo na Yo ezali monene,
ekenda kino na Lola ;
mpe bosembo na Yo ekenda kino na mapata.

12 ^{▼▼57:11 in most Bibles.} Nzambe, tika ete omitombola na likolo ya Lola ;
mpe tika ete nkembo na Yo etonda na mokili mobimba !